ការឌីស្សាញ និងព័ត៌មានលម្អិតជាច្រើនរបស់ Huawei P50 Series ត្រូវបានគេបន្តទម្លាយនៅលើអនឡាញ នៅមុនការប្រកាស

មួយរយៈចុងក្រោយនេះ ក្រោយពីការបោះឆ្នោតប្រធានាធិបតីអាមេរិក បានបញ្ចប់ ឃើញថា មានពាក្យចចាមអារ៉ាមជាច្រើនទាក់ទងជាមួយនឹងក្រុមហ៊ុនមហាយក្សចិន Huawei ជាពិសេស គឺព័ត៌មានដែលនិយាយអំពីស្មាតហ្វូន Huawei P50 Series ។ ជាកស្តែងនៅពេលនេះ មានរបាយការណ៍ថ្មីៗជាច្រើម គឺបានបង្ហាញពី Huawei P50 ដោយបាននិយាយថា ស្មាតហ្វូននេះ នឹងប្រើប្រាស់នូវបន្ទះឈីប Kirin 9000 និងបន្ទះឈីបរបស់ក្រុមហ៊ុនភាគីទី 3 ថ្មីមួយផងដែរ។ ហើយបន្ថែមពីនេះទៀតនោះ យើងក៏បានឃើញនូវរូបភាពជាច្រើនដែលនិយាយពីស្មាតហ្វូន Huawei P50 Pro ផងដែរ។ 

នៅពេលនេះ មានការរំពឹងថា ស្មាតហ្វូននេះ នឹងមានប្រើប្រាស់នូវ Liquid Lens ទៀតផង។ តាមការបញ្ជាក់របស់សារព័ត៌មាន The Elec បានអោយដឹងថា ក្រុមហ៊ុន Huawei ក៏មានគម្រោងនៅក្នុងការប្រកាសចេញនូវស្មាតហ្វូនម៉ូដែលឆ្នាំ 2021 នៃត្រកូលស្មាតហ្វូន P series របស់ខ្លួននៅក្នុងឆមាសទី 1 នៅឆ្នាំក្រោយនេះហើយខណៈដែលដៃគូធំៗចំនួនពីររបស់ខ្លួន ក្រុមហ៊ុន Samsung និង LG បានក្លាយជាក្រុមហ៊ុនផ្គត់ផ្គង់សមាសភាគសម្រាប់ស្មាតហ្វូន  Huawei P50 Series នេះ។

សូមជំរាបថា ថ្មីៗនេះ ក្រុមហ៊ុនHuawei ក៏បានបញ្ចេញនូវប៉ាតង់មួយសម្រាប់បច្ចេកវិទ្យា Lens Technology ដែលខ្លួនបានស្នើរកាលពីខែវិច្ឆិកាឆ្នាំ 2018 នេះផងដែរ ដោយនៅក្នុងប៉ាតង់នេះ គឺបានបញ្ជាក់ថា ក្រុមហ៊ុន Huawei បានធ្វើការអភិវឌ្ឍទៅលើកាមេរ៉ា Liquid ដែលមានពង្រឹងទៅលើការថតរូបភាពកាន់ខ្លាំងថែមទៀត។ ប៉ុន្តែនេះគ្រាន់តែជាប៉ាតង់ប៉ុណ្ណោះ ក្រុមហ៊ុន Huawei នៅមិនទាន់ប្រកាសចេញនូវនេះនៅឡើយទេ៕