ថ្មីៗនេះ ក្រុមហ៊ុន OPPO បានបង្ហាញនូវស្មាតហ្វូន Reno5 ថ្មីចំនួន 3 ម៉ូឌែលនៅក្នុងព្រឹត្តិការណ៍ពីរផ្សេងគ្នាផងដែរ។ នៅថ្ងៃនេះ មានពាក្យចចាមអារ៉ាមថ្មីមួយដែលនិយាយថា សម្រាប់ស្មាតហ្វូនទី 4 របស់ម៉ូដែលថ្មីនេះ នឹងបង្ហាញខ្លួនសម្រាប់ទីផ្សារសកល ហើយពេលនេះរបាយការណ៍ថ្មីក៏បានទម្លាយនូវស្មាតហ្វូនទី 5 ដែលក្រុមហ៊ុននេះ កំពុងតែធ្វើការផងដែរ។
តាមការបញ្ជាក់នៅក្នុងរបាយការណ៍ចេញពី GSMArena នេះ ក្រុមហ៊ុនបច្ចេកវិទ្យាយក្សរបស់ចិននេះ បានធ្វើការនៅលើស្មាតហ្វូនថ្មី Reno5 ដែលមានឈ្មោះហៅថា OPPO Reno5 Lite 5G។ ស្មាតហ្វូនម៉ូឌែលនេះ គឺមានបច្ចេកវិទ្យាសាកថ្មកម្រិត 30W Fast Charging ដែលធ្លាប់បានបង្ហាញខ្លួននៅក្នុងបញ្ជីនៅលើវេបសាយរបស់ចិន 3C (China Compulsory Certification) រួចមកហើយផងដែរ។ ស្មាតហ្វូននេះ គឺមានលេខកូដ PELM00។ របាយការណ៍ដំបូងបំផុតអំពីស្មាតហ្វូននេះគឺចេញពី MyFixGuide ។
ស្មាតហ្វូន OPPO Reno5 Lite 5G នេះ គឺមានបច្ចេកវិទ្យា VOOC 4.0 ខណៈពេលដែលឆ្នាំងសាកនេះគឺមានលេខម៉ូឌែល VC56HACH។ អ្វីដែលគួរអោយកត់សម្គាល់នោះ ការបង្ហាញស្មាតហ្វូននេះគឺមាន 5 ម៉ូឌែល។ សម្រាប់លក្ខណៈសម្បត្តិជាច្រើនទៀតរបស់ស្មាតហ្វូននេះនៅមិនទាន់ដឹងនៅឡើយទេ។ ស្មាតហ្វូននេះ គឺប្រើប្រាស់នូវបន្ទះឈីប 5G Dimensity chipset របស់ក្រុមហ៊ុន MediaTek ផងដែរ៕