មកដល់ពេលនេះ គឺនៅសល់ពេលប៉ុន្មានថ្ងៃប៉ុណ្ណោះ ដល់ពេលប្រកាសជាផ្លូវការនូវស្មាតហ្វូនដំបូងបំផុតរបស់ក្រុមហ៊ុន Honor ដែលជាម៉ាកយីហោឯករាជ្យថ្មីនេះហើយក្រុមហ៊ុនបច្ចេកវិទ្យាយក្សរបស់ចិននេះ ក៏នឹងបង្ហាញនូវស្មាតហ្វូន Honor V40 នៅក្នុងសន្និសីទរបស់ខ្លួននៅក្នុងប្រទេសចិននៅថ្ងៃទី 18 ខែមករានេះដែរ។ មានការរំពឹងជាច្រើនអំពីស្មាតហ្វូននេះផងដែរថា វានឹងមានសមត្ថភាពខ្ពស់។
កាលពីប៉ុន្មានសប្តាហ៍កន្លងទៅនេះ មានរបាយការណ៍ជាច្រើន បានបញ្ជាក់ថា ស្មាតហ្វូន Honor V40 នឹងមានកម្រិតអេក្រង់ 300hz Touch Sampling Rate។ ក្រុមហ៊ុននេះ បញ្ជាក់ជាផ្លូវការថា មុខងារនេះ គឺមានការបង្ហោះនៅលើ Weibo ផងដែរ។ កាលពីម្សិលមិញនេះ ក្រុមហ៊ុន Honor បញ្ជាក់ថា ស្មាតហ្វូននាពេលខាងមុខនេះ នឹងមានអេក្រង់កម្រិត Retina ដល់ទៅ 1 ពាន់លានកូល័រថែមទៀត។
តាមការបញ្ជាក់នៅក្នុងរបាយការណ៍ជាច្រើន បានបង្ហាញថា អេក្រង់កម្រិត 300Hz high-brush flexible ultra-clear របស់ស្មាតហ្វូន Honor V40 គឺមានទំនាក់ទំនងជាមួយនឹងក្រុមហ៊ុន Huawei ។ វាក៏មានរបាយការណ៍ជាច្រើនបានបញ្ជាក់ថា អេក្រង់នេះគឺមានកម្រិត 10-bit ដូចទៅនឹងស្មាតហ្វូន Huawei nova 8 Pro ផងដែរ។ អេក្រង់នេះ គឺមានកម្រិត 120Hz ផងដែរ។ ស្មាតហ្វូននេះ គឺមានកម្រិតភាពច្បាស់ដល់ទៅ 2676x1236px និងកម្រិតពន្លឺ 800 nit។ ស្មាតហ្វូន Honor V40 នេះគឺមានកម្រិតអេក្រង់ 240Hz touch sampling rate ផងដែរ។
សូមជំរាបថា កាលពីថ្ងៃទី 31 ខែធ្នូកន្លងទៅនេះ ស្មាតហ្វូន Honor ម៉ូឌែលថ្មីនោះគឺ Honor YOK-AN10 (Honor V40) បានឆ្លងកាត់នូវវិញ្ញាបនបត្រ fast-charging របស់ក្រុមហ៊ុន Rheinland រួចហើយ។ ស្មាតហ្វូន Honor V40 នឹងមានបច្ចេកវិទ្យា Wireless Fast Charging ដល់ទៅ 50W។
នៅក្នុងវិញ្ញាបនបត្រ Rheinland នេះ ក៏មានការបង្ហាញនូវវត្តមានរបស់ស្មាតហ្វូន Honor V40 ផងដែរ។ ស្មាតហ្វូន V40 នឹងមានកាមេរ៉ាគោលទំហំ 50-megapixel ខណៈពេលដែលម៉ូឌែល Pro version គឺមានកាមេរ៉ាខាងក្រោយ 3 គ្រាប់។ សម្រាប់ម៉ូឌែល Pro+ version គឺមានកាមេរ៉ា 4 គ្រាប់។ ស្មាតហ្វូននេះ គឺមានអេក្រង់ pill-shaped punch-hole ដែលមានកាមេរ៉ា 13MP។ ស្មាតហ្វូននេះ នឹងដំណើរការនូវស្បែក Magic UI 4.0+HMS ផ្អែកនៅលើ Android 10៕
