ស្មាតហ្វូន ROG Phone 3 ដូចគ្នាទៅនឹងស្មាតហ្វូន ROG Phone II អញ្ចឹងដែរ គឺត្រូវបានក្រុមហ៊ុន ASUS តំឡើងមកជាមួយនិងថាមពលថ្មដែលមានទំហំធំដល់ទៅ 6000mAh។ នៅពេលនេះ ជាមួយនឹងការបែកធ្លាយមួយបាបនិយាយថាថា ក្រុមហ៊ុនASUS ក៏នឹងប្រើប្រាស់នូវថាមពលថ្មទំហំ 6000mAh ទៅលើស្មាតហ្វូន ROG Phone 4 ផងដែរ។ ខណៈពេលដែលស្មាតហ្វូន Flagship មួយចំនួន គឺមានថាមពលថ្មទំហំ 5000mAh នោះ ក្រុមហ៊ុន Asus ជឿជាក់ថា ថាមពលថ្មទំហំ 6000mAh នេះគឺគ្រប់គ្រាន់សម្រាប់ស្មាតហ្វូន ROG Phone 4 ហើយ។
ជាមួយនឹងវត្តមានរបស់ហ្គេមីងហ្វូន ROG Phone 4 ក្រុមហ៊ុន ASUS នឹងប្រើប្រាស់នូវបច្ចេកវិទ្យាសាកថ្មលឿនជាងមុន។ តាមការបញ្ជាក់របស់ Digital Chat Station បានអោយដឹងថា ស្មាតហ្វូន ROG Phone 4 នឹងមានបច្ចេកវិទ្យាសាកថ្មលឿន 60W ឬ 65W fast (wired) charging។ សម្រាបការសាកបញ្ចូលថាមពលថ្ម គឺនឹងនមានល្បឿនលឿនជាងមុនទៅលើថាមពលថ្មទំហំ 6000mAh បើធៀបទៅនឹងស្មាតហ្វូន ROG Phone 3 ដែលមានបច្ចេកវិទ្យាសាកថ្មត្រឹមតែ 30W fast wired charging។
នៅក្នុងឆ្នាំនេះ នឹងមានស្មាតហ្វូនលេងហ្គេមជាច្រើនទៀតដូចជាស្មាតហ្វូន Black Shark 4 និង Red Magic 6 បង្ហាញខ្លួន ននៅលើទីផ្សារ ដូច្នេះ នៅពេលដែលធ្វើការប្រៀបធៀបទៅនឹងស្មាតហ្វូនលេងហ្គេមជាច្រើនទៀតនោះ គឺនឹងធ្វើអោយ Asus កាន់តែយឺតជាងគេព្រោះថា ស្មាតហ្វូននេះប្រើប្រាស់បច្ចេកវិទ្យាត្រឹមតែ 60W/65W Fast Charging ប៉ុណ្ណោះ ខណៈដែក បស្មាតហ្វូនចិនមួយចំនួន គឺប្រើប្រាស់នូវច្ចេកវិទ្យាសាកថ្ម 120W Fast Wired Charging។ ស្មាតហ្វូន ROG Phone 4 នេះមានការទ្រទ្រង់ទៅលើបច្ចេកវិទ្យា reverse wired charging, Quick Charge 4 និង Power Delivery ផងដែរ។ ស្មាតហ្វូននេះនឹងបង្ហាញខ្លួននៅក្នុងត្រីមាសនេះ។ ស្មាតហ្វូន ROG Phone 4 នឹងមានបន្ទះឈីប Snapdragon 888 ជាមួយនឹងបច្ចេកវិទ្យា 5G ថែមទៀត។ ស្មាតហ្វូននេះក៏មានអេក្រង់ AMOLED ផងដែរ៕