ក្រុមហ៊ុន Nexstgo Company Limited ដែលជាក្រុមហ៊ុនទទួលបាននូវអាជ្ញាបណ្ណផ្លូវកាសម្រាប់ការគ្រប់គ្រងទៅលើកុំព្យូទ័រ VAIO នៅក្នុងតំបន់អាស៊ី បានប្រកាសចេញនូវកុំព្យូទ័រចំនួន 2 ម៉ូឌែល នៅក្នុងប្រទេសឥណ្ឌានោះ គឺ VAIO E15 និង VAIO SE14។ សម្រាប់ការបង្ហាញវត្តមានរបស់កុំព្យូទ័រថ្មីនេះ គឺជាការវិលត្រឡប់របស់ម៉ាកយីហោ VAIO នៅក្នុងប្រទេសនេះ បន្ទាប់ពីចំណាយពេលអស់រយៈពេលជាយូរណាស់មកហើយ។ សម្រាប់អ្នកមិនទាន់ដឹងនោះ Nexstgo គឺជាក្រុមហ៊ុនដែលមានមូលដ្ឋាននៅក្នុងហុងកុងដែលល្បីល្បាញទៅលើម៉ាកយីហោកុំព្យូទ័រ Avita នៅក្នុងប្រទេសឥណ្ឌា។
សម្រាប់ការមកដល់នៃកុំព្យូទ័រ VAIO នេះ គឺត្រូវបានលក់ផ្តាច់មុខនៅលើ Flipkart នៅក្នុងប្រទេសនេះ ហើយនិងមានការធានារយៈពេល 2 ឆ្នាំ។ កុំព្យូទ័រថ្មីនេះ អាចធ្វើការ Pre-order បានរហូតដល់ថ្ងៃទី 24 ខែមករានេះ។ នៅក្នុងការប្រកាសដាក់លក់នេះ ក្រុមហ៊ុននេះ បានផ្តល់នូវការចុះតម្លៃចំនួន ₹3,000 ផងដែរ។
VAIO E15 គឺជាកុំព្យូទ័រដែលមានតម្លៃថោកបំផុត ដែលបានប្រកាសចេញដោយក្រុមហ៊ុន Nexstgo នៅក្នុងប្រទេសឥណ្ឌា។ វាមានតម្លៃ ₹49,990 សម្រាប់បន្ទះឈីប AMD Ryzen 5 3500U processor និងតម្លៃ 56,990 សម្រាប់បន្ទះឈីប AMD Ryzen 7 3700U version។ សម្រាប់កុំព្យូទ័រ notebook នេះគឺមានអេក្រង់ 15.6-inch IPS LCD ជាមួយនឹងកម្រិតភាពច្បាស់ 920 x 1080 pixels (FHD) និង 16:9 aspect ratio។ វាមានទម្ងន់ 1.77Kg ហើយវាមាន full-size backlit keyboard ហើយវាមានវិមាត្រ 358.7 × 239.2 × 19.9mm ថែមទៀត។
កុំព្យូទ័រនេះ គឺមានរ៉េមទំហំ 8GB DDR4 2400MHz RAM និង 512GB SSD។ សម្រាប់ GPU នោះ Ryzen 5 version នេះគឺមានក្រាហ្វិកកាត Radeon Vega 8 Graphicsខណៈពេលដែល Ryzen 7 នេះ គឺមានក្រាហ្វិកកាត Radeon RX Vega 10 Graphics ។ សម្រាប់រន្ធផតនោះ វាមានដូចជា dual-band WiFi 5, Bluetooth 4.2, 1 x LAN, 1 x USB Type-C (charging), 2 x USB Type-A 3.1, 1 x HDMI និង 1 x 3.5mm combo audio jack និង 1xSD card reader ផងដែរ។ បន្ថែមពីនេះទៀតនោះ កុំព្យូទ័រនេះ ក៏មាន 1MP webcam, dual-speaker, dual-microphone, Microsoft Windows 10 Home operating system និងមានពីរពណ៌នោះគឺ Graphite Black, Tin Silver ។
សម្រាប់ម៉ូដែល VAIO SE14 គឺមានបន្ទះឈីប Intel Core i5-8265U ជំនាន់ទី 8 និងប្រើនូវក្រាហ្វិកកាត Intel UHD Graphics 620 និងមានរ៉មទំហំ 8GB DDR4 2400MHz RAM និងថាសរឹងទំហំ 512GB PCIe SSD។ កុំព្យូទ័រនេះ គឺមានរូបរាងតូចជាងមុន និងស្រាលជាងមុន ហើយវាមានអេក្រង់ 16:9 14-inch IPS LCD ជាមួយនឹងកម្រិតភាពច្បាស់ FHD (1920x1080 pixels ទម្ងន់ 1.35kg និងវិមាត្រ 324.4 x 229.6 x 19.55mm។
សម្រាប់រន្ធផតនោះគឺមាន dual-band WiFi, Bluetooth 5.0, 2 x USB Type-C 3.1 Gen 1 (Power Delivery, DisplayPort), 2 x USB Type-A 3.1, 1 x HDMI 1.4, 1 x 3.5mm combo audio jack និង 1 x MicroSD card reader ។
កុំព្យូទ័រនេះ គឺមានលក្ខណៈសម្បត្តិជាច្រើនទៀតដូចជា 1MP webcam, quad-speaker (dual-top firing, dual down-firing), dual-microphone, TPM2.0 HW solution, fingerprint sensor, lock slot, full-size backlit keyboard, Microsoft Windows 10 Home operating system, ថាមពលថ្មបាន 13 ម៉ោង និង 2 ពណ៌ក្នុងការជ្រើសរើសនោះគឺ Red Copper, Dark Gray ។ កុំព្យូទ័រ VAIO SE14 នេះគឺមានតម្លៃ ₹62,990 ៕