នៅក្នុងរដូវស្លឹកឈើជ្រុះកាលពីឆ្នាំមុននេះ ក្រុមហ៊ុន Samsung បានចាប់ផ្តើមធ្វើតេស្តទៅលើស្បែក One UI 3.0 ដែលផ្អែកនៅលើប្រព័ន្ធប្រតិបត្តិការ Android 11 សម្រាប់ស្មាតហ្វូន Galaxy Z Fold 2 ដែលជាស្មាតហ្វូនមានអេក្រង់បត់បាន។ សម្រាប់ Beta Version របស់ស្បែកមុខ One UI 3.0 របស់ស្មាតហ្វូន Galaxy Z Fold 2 នេះ គឺបានបង្ហាញខ្លួននៅក្នុងខែវិច្ឆិកា ហើយវាក៏បណ្តាលអោយមានបញ្ហាទៅលើការចាក់សោរអេក្រង់ផងដែរ។ នៅក្នុងការធ្វើតេស្តនេះ គឺទទួលបានជោគជ័យតាមរយៈ Firmware របស់វា។
កាលពីសប្តាហ៍មុននេះ ស្បែក One UI 3.0 ដែលផ្អែកនៅលើប្រព័ន្ធប្រតិបត្តិការ Android 11 នេះ គឺមានការបង្ហាញខ្លួននៅក្នុងប្រទេសជាច្រើននៅអ៊ឺរ៉ុប កូរ៉េខាងត្បូង ហើយ Firmware នេះ គឺមានការដាក់អោយប្រើប្រាស់នៅក្នុងទីផ្សាររបស់សហរដ្ឋអាមេរិកផងដែរ។
អ្នកប្រើប្រាស់ស្មាតហ្វូន Samsung Galaxy Z Fold 2 ពេលនេះ គឺអាចរីករាយជាមួយនឹងស្បែក One UI 3.0 និងប្រព័ន្ធប្រតិបត្តិការ Android 11 ដែលមានការពង្រឹងទៅលើស្បែក UI ការឌីស្សាញទៅលើកម្មវិធីជាច្រើន ការពង្រឹងទៅលើកម្លាំងម៉ាស៊ីន ឯកជនភាព និងមុខងារជាច្រើនទៀត។ បន្ថែមពីនេះ ស្មាតហ្វូន Samsung Galaxy S10 ដែលមានអាយុ 2 ឆ្នាំហើយនោះក៏ទទួលបាននូវ One UI 3.0 ផងដែរ។
សូមជំរាបថាផងដែរថា Samsung គ្រោងនឹងបញ្ចេញនូវស្មាតហ្វូនជំនាន់ថ្មី Galaxy Z Fold 3 ឆាប់ៗនេះផងដែរ ស្មាតហ្វូននេះ ត្រូវបានគេជឿថា នឹងក្លាយជាស្មាតហ្វូនមួយនៅក្នុងចំណោមស្មាតហ្វូនជាច្រើន ដែលមានការទ្រទ្រង់ទៅលើប៊ិច S Penដោយអាចនឹងក្លាយជាស្មាតហ្វូនបត់បានដំបុងបំផុត ដែលមានអេក្រង់បត់បាន និងទ្រទ្រង់នូវប៊ិចទៀតផង។
អ្នកឌីស្សាញ Jermaine Smit របស់ហូឡង់ ដែលត្រូវគេស្គាល់ថា Concept Creator YouTube video channel បានបង្ហាញនូវរូបភាពជាច្រើន របស់ស្មាតហ្វូន Samsung Galaxy Z Fold 3 ជាមួយនឹងប៊ិច S Pen ដែលផ្អែកទៅលើវេបសាយរបស់ LetsGoDigital។ Samsung Galaxy Z Fold 3 នឹងក្លាយជាស្មាតហ្វូនបត់បានដំបូងគេ ដែលនឹងបង្ហាញខ្លួននៅក្នុងឆ្នាំ 2021 នេះ។ ការបង្ហាញជាផ្លូវការរបស់ស្មាតហ្វូននេះ អាចនឹងធ្វើឡើងនៅក្នុងខែតុលាខាងមុខនេះ៕
