Xiaomi Mi 11 បានបង្ហាញខ្លួនជាមួយនឹងបន្ទះឈីប Snapdragon 888 ដំបូងបំផុតមុនគេនៅលើទីផ្សារកាលពីខែមុននេះ។ ស្មាតហ្វូននេះ គឺមានអេក្រង់ Top-Notch 2K ជាមួយនឹងបន្ទះឈីប Snapdragon ដែលលឿនបំផុតនៅលើទីផ្សារនៅក្នុងពេលនេះ។ ស្មាតហ្វូននេះ មាន 2 ប្រភេទសម្រាប់ធ្វើការជ្រើសរើស ដែលមួយមានផ្នែកខាងក្រោយធ្វើពីស្បែក និងមួយទៀត គឺមានកញ្ចក់នៅខាងក្រោយ។
យ៉ាងណាមិញ ស្មាតហ្វូន ដែលប្រើប្រាស់នូវបន្ទះឈីប Snapdragon 888 ដំបូងបំផុតនេះ ត្រូវបានគេមើលឃើញថា មានបញ្ហាមួយចំនួនផងដែរ។ វាមាន Bugs មួយចំនួនកើតឡើងផងដែរ។ សម្រាប់ Bugs ទាំងនេះ អាចធ្វើការដោះស្រាយបានតាមរយៈការអាប់ដេតទៅលើកម្មវិធី Software របស់វា។
ប្រសិនបើអ្នកទិញស្មាតហ្វូននេះ នៅក្នុងពេលនេះ (មុនពេលធ្វើការអាប់ដេតទៅលើកម្មវិធី Software) អ្នកអាចកត់សម្គាល់ទៅលើបញ្ហាមួយចំនួនផងដែរដូចជា៖
•ស្មាតហ្វូន Mi 11 បានរលត់នៅក្នុងពេលប្រើប្រាស
•កម្មវិធីកាមេរ៉ាគាំងមិនដំណើរការនៅពេលធ្វើការថតរូបភាព
•ហ្គេមមួយចំនួនមិនដំណើរការធម្មតា ហើយវាក៏មានបញ្ហាទៅលើអេក្រង់កម្រិតភិចសែល
•បន្ទះឈីប Snapdragon 888 ឡើងកំដៅ ហើយស្មាតហ្វូន Mi 11 មិនអាចប្រើប្រាស់នូវថាមពលរបស់ឈីបនេះទាំងអស់នោះទេដោយសារតែបញ្ហាកំដៅនេះ
•កម្មវិធីកាមេរ៉ាដំណើរការមិនល្អ
សម្រាប់បញ្ហាទាំងនេះ គឺរកឃើញនៅលើស្មាតហ្វូន Mi 11 ។ យើងរំពឹងថា បញ្ហាទាំងអស់នេះ នឹងដោះស្រាយបានតាមរយៈការអាប់ដេតនាពេលខាងមុខនេះ។