ថ្មីៗនេះ មានរបាយការណ៍ថ្មី បានទម្លាយថា ទូរទស្សន៍ MiniLED TVs នឹងនាំមុខទៅលើទីផ្សារទូរទស្សន៍ប្រណិតរបស់ខ្លួននៅក្នុងឆ្នាំ 2025 ខាងមុខនេះ។ ប្រភពខាងលើបាននិយាយថា ដោយសារតែបច្ចេកវិទ្យាអេក្រង់កានន់តែទំនើបទៅៗ បានធ្វើអោយ អ្នកប្រើប្រាស់នឹងងាកមករកទូរទស្សន៍ថ្មីនេះ ដូច្នេះ MiniLED TVs នឹងយកឈ្នះទៅលើទីផ្សារទូរទស្សន៍ OLED TVs នៅក្នុងរយៈពេលប៉ុន្មានឆ្នាំខាងមុខនេះជាក់ជាមិនខាន។
តាមការបញ្ជាក់របស់ TheElec ក៏បានបញ្ជាក់អោយដឹងផងដែរថា ក្រុមហ៊ុន TCL របស់ចិន ពេលនេះ គឺបាននាំមុខទៅលើការអភិវឌ្ឍទៅលើទូរទស្សន៍ MiniLED TVs នេះ ហើយសម្រាប់ទីផ្សារ MiniLED TVs បច្ចុប្បន្ននេះ គឺកំពុងតែមានការនាំមុខដោយក្រុមហ៊ុន Samsung និង LG។ របាយការណ៍នេះ បានបន្ថែមថា បន្ទាប់ពីឆ្នាំ 2024 ខាងមុខ ទូរទស្សន៍ MiniLED TVs នឹងអាចយកឈ្នះទៅលើទីផ្សារ OLED TVs នៅលើទីផ្សារពិតប្រាកដណាស់។
សូមជំរាបថា ទូរទស្សន៍ MiniLED TVs នេះ គឺទូរទស្សន៍ដែលមានអេក្រង់ LCD (liquid crystal display) ដែលប្រើប្រាស់នូវ micrometer LEDs ជាមួយនឹងបច្ចេកវិទ្យា quantum dot film។ ទូរទស្សន៍នេះ មានការបន្ថែមទៅលើកម្រិតពណ៌ color gamut ជាមួយនឹង dynamic range កម្រិតខ្ពស់ថែមទៀតផង។ នៅក្នុងឆ្នាំនេះ គឺនឹងមានការនាំចេញទូរទស្សន៍ MiniLED TVsចំនួន 2.5 លានគ្រឿងផងដែរ។ ប្រភពខាងលើបានបន្តថា បច្ចេកវិទ្យានេះ គឺមានតម្លៃថ្លៃជាង ហើយសម្រាប់ទូរទស្សន៍ MiniLED TV គឺមានតម្លៃចន្លោះពី 1,500 ទៅ 6,000 ដុល្លារអាមេរិក៕