តាមការបញ្ជាក់នៅក្នុងរបាយការណ៍ជាច្រើនចេញពីប្រទេសកូរ៉េខាងត្បូងបានអោយដឹងថា Apple Watch Series 7 នឹងមានបំពាក់នូវមុខងារក្នុងការវាស់ទៅលើកម្រិតជាតិស្ករនៅក្នុងឈាមតាមរយៈនូវសេនស័រ Optical Sensors របស់វា។ ដូចអ្វីដែលយើងបានដឹងហើយ ការវាស់ទៅលើកម្រិតជាតិស្ករនៅក្នុងឈាមពិតជាដើរតួរយ៉ាងសំខាន់នៅក្នុងការការពារ និងការគ្រប់គ្រងទៅលើជម្ងឺទឹកនោមផ្អែម និងជម្ងឺជាច្រើនទៀត។ សម្រាប់មុខងារក្នុងការវាស់ទៅលើកម្រិតជាតិស្ករនៅក្នុងឈាមនេះ គឺទាមទារអោយមានការប្រើប្រាស់នូវឧបករណ៍អាជីពដូចជាឧបករណ៍សម្រាប់វាស់ទៅលើជាតិស្ករជាដើម។
មុខងារនេះ នឹងប្រើប្រាស់នូវវិធីក្នុងការវាស់មួយដែលមិនចាំបាច់ធ្វើការតេស្តជាមួយនឹងឈាមនោះទេ សម្រាប់វាស់ទៅលើកម្រិតជាតិស្ករនេះ នោះគឺជាការប្រើប្រាស់នូវសេនស័រ optical sensor ។ តាមការបញ្ជាក់នៅក្នុងរបាយការណ៍ជាច្រើននោះ ក្រុមហ៊ុន Apple ទទួលបាននូវប៉ាតង់មួយក្នុងការវាស់ទៅលើកម្រិតជាតិស្ករនៅក្នុងឈាមផងដែរ។ ក្រុមហ៊ុននេះ ប្តេជ្ញាចិត្តក្នុងការធានាទៅលើការជឿជាក់ទៅលើផ្នែកបច្ចេកទេស និងស្ថេរភាពក្នុងការប្រើប្រាស់មុនពេលដែលធ្វើពាណិជ្ជកម្ម។ ឧស្សាហកម្មនេះជឿជាក់ថា សម្រាប់សេនស័រ optical sensor របស់ក្រុមហ៊ុន Apple នេះ អាចធ្វើការតាមដានដោយមិនចាំបាច់ត្រូវការឧបករណ៍បន្ថែមនោះទេ។
បន្ថែមពីនេះទៀតនោះ ក្រុមហ៊ុន Apple ក៏មានក្រុមការងារវិស្វករ និងក្រុមប្រឹក្សាយោបល់ផ្នែកវេជ្ជសាស្រ្តនេះផងដែរ។ វាមានរបាយការណ៍ជាច្រើនដែលបញ្ជាក់ថា សេនស័រនេះបានដាក់អោយធ្វើតេស្តនៅក្នុងគ្លីនិកជាច្រើននៅក្នុង San Francisco Bay Area។ សម្រាប់លោក Cook ក៏ធ្វើតេស្តទៅលើគំរូនៃម៉ូនីទ័រដែលអាចធ្វើការវាស់ទៅលើកម្រិតជាតិស្ករថែមទៀតសម្រាប់តភ្ជាប់ទៅកាន់ Apple Watch ផងដែរ។ មានរបាយការណ៍ជាច្រើនដែលបញ្ជាក់ថា នាឡិកា Apple Watch នេះនឹងប្រើប្រាស់នូវអេក្រង់ microLED ជាមួយនឹងប៊ូតុង solid-state។ យ៉ាងណាមិញ នៅមិនទាន់មានការបញ្ជាក់ជាផ្លូវការនៅលើនាឡិកា Apple Watch Series 7 នេះទេក្នុងពេលនេះ។
គួរបញ្ជាក់ផងដែរថា ក្រុមហ៊ុន Samsung Electronics ក៏មានគម្រោងក្នុងការប្រកាសបង្ហាញនូវនាឡិកាថ្មីចំនួន 3 ម៉ូឌែលរបស់ខ្លួនផងដែរនៅក្នុងព្រឹត្តិការណ៍ Galaxy Unpack នៅក្នុងឆមាសទី 2 នេះ។ សម្រាប់អ្វីដែលយើងបានដឹងនោះ ឈ្មោះរបស់នាឡិកានេះគឺ “Galaxy Watch 4” ឬឈ្មោះ “Galaxy Watch Active 3”ដែលអាចធ្វើការវាស់ទៅលើកម្រិតជាតិស្ករនៅក្នុងឈាមបាន៕