យោងតាមពាក្យចចាមអារ៉ាមកន្លងមកបានអោយដឹងថា ក្រុមហ៊ុន Samsung និង AMD កំពុងតែធ្វើការជាមួយគ្នាក្នុងការអភិវឌ្ឍទៅលើ GPU សម្រាប់បន្ទះឈីបថ្មី។ ប៉ុន្តែមកដល់ពេលនេះ ក្រុមហ៊ុនបច្ចេកវិទ្យាយក្សទាំងពីរនេះ នៅមិនទាន់ប្រកាសចេញនូវបន្ទះឈីបរួមគ្នានេះជាផ្លូវការនៅឡើយទេ ស្របពេលដែលថ្ងៃនេះ ពាក្យចចាមអារ៉ាមថ្មីនេះ ក៏មានលេចចេញពីការ បន្ទះឈីបនេះថា ប្រហែលជាអាចនឹងប្រកាសចេញឆាប់ៗនេះហើយ។
តាមការបញ្ជាក់នៅក្នុងរបាយការណ៍ចេញពី SamMobile នោះ ពាក្យចចាមអារ៉ាមនេះ បញ្ជាក់ថា ក្រុមហ៊ុននេះ នឹងប្រកាសបង្ហាញនូវបន្ទះឈីបថ្មីជាមួយនឹងក្រាហ្វិកកាត AMD GPU ផងដែរ។ នៅក្នុងការទម្លាយចេញពី Ice Universe ក៏បានបញ្ចេញនូវព័ត៌មានថា ក្រុមហ៊ុនបច្ចេកវិទ្យាយក្សរបស់កូរ៉េខាងត្បូងនេះ ក៏មានគម្រោងក្នុងការបង្ហាញនូវ GPU ដែលធ្វើការអភិវឌ្ឍដោយក្រុមហ៊ុន AMD នៅក្នុងខែមិថុនា ឆ្នាំ 2021 ខាងមុខនេះដែរ។ បន្ថែមពីនេះទៀតនោះ ក្រុមហ៊ុននេះ ក៏បានទម្លាយនូវលក្ខណៈសម្បត្តិបច្ចេកទេសជាច្រើនទៀតរបស់បន្ទះឈីបថ្មីនេះ។
សូមជំរាបថា កាលពីពេលមុននេះ មានការទម្លាយថា ក្រុមហ៊ុន Samsung ប្រហែលជាបង្ហាញនូវបន្ទះឈីប Exynos ជាមួយនឹងក្រាហ្វិកកាតថ្មី AMD GPUs នៅក្នុងត្រីមាសទី 2 ឬត្រីមាសទី 3 ឆ្នាំនេះ។ ពាក្យចចាមអារ៉ាមនេះ បានបញ្ជាក់ថា បន្ទះឈីបនេះអាចនឹងប្រើប្រាស់នៅលើស្មាតហ្វូន Galaxy Note 21 series ឬ Galaxy Z Fold 3 ឬ Galaxy S22 ដែលនឹងបង្ហាញខ្លួននៅក្នុងឆ្នាំ 2022 នេះ។ អ្វីដែលគួរអោយកត់សម្គាល់នោះ សម្រាប់ក្រាហ្វិក Benchmark មានការបញ្ជាក់ថា បន្ទះឈីប Exynos chipset ជាមួយនឹង AMD GPU នេះអាចយកឈ្នះទៅលើបន្ទះឈីប Apple A14 Bionic បាន៕
