ហាងលក់ផ្លូវការរបស់ក្រុមហ៊ុន Samsung នៅលើ Lazada ប្រទេសហ្វីលីពីន និងគណនី Facebook របស់ក្រុមហ៊ុន Samsung នៅក្នុងប្រទេសម៉ាឡេស៊ីបញ្ជាក់ថា ស្មាតហ្វូន Galaxy M62 នឹងប្រកាសជាផ្លូវការនៅថ្ងៃទី ៣ ខែមីនានេះ។ ផ្ទាំងរូបភាពថ្មីបញ្ជាក់ថា ស្មាតហ្វូននេះ មានអេក្រង់ Infinity-O punch-hole ថាមពលថ្មទំហំ 7,000mAh និងប្រព័ន្ធកាមេរ៉ា 4 គ្រាប់នៅខាងក្រោយថែមទៀត។
នៅថ្ងៃនេះ មានការបញ្ជាក់ថា ស្មាតហ្វូន Samsung Galaxy M62 នេះ នឹងបង្ហាញខ្លួននៅលើទីផ្សារជាច្រើន ក្នុងនោះ មានដូចជាប្រទេសហ្វីលីពីន និងម៉ាឡេស៊ី ជាដើម ហើយវាគឺជាប្រភេទ Rebrand របស់ស្មាតហ្វូនGalaxy F62 ដែលទើបតែប្រកាសជាផ្លូវការថ្មីៗនេះ នៅក្នុងប្រទេសឥណ្ឌា។ ស្មាតហ្វូន Galaxy F62 នេះ គឺមានច្រើនពណ៌ដូចជា Laser Black, Laser Blue និង Laser Green នៅក្នុងប្រទេសឥណ្ឌា។
ផ្ទាំងរូបភាពរបស់ស្មាតហ្វូន M62 នេះ មានការបង្ហាញថា ស្មាតហ្វូននេះ នឹងមានលក្ខណៈសម្បត្តិជាច្រើនដូចគ្នាទៅនឹងស្មាតហ្វូន Galaxy F62។ ស្មាតហ្វូន Samsung Galaxy F62 មានអេក្រង់ទំហំ 6.7-inch Full HD+ និងទ្រទ្រង់នូវកម្រិត AMOLED+ ថែមទៀតផង។ អេក្រង់នេះ ក៏ទ្រទ្រង់នូវប្រព័ន្ធស្កេនក្រយ៉ៅដៃផងដែរ។ ស្មាតហ្វូននេះមានបច្ចេកវិទ្យាសាកថ្មលឿន 25W fast charging ជាមួយនឹងថាមពលថ្មទំហំ 7,000mAh។
ស្មាតហ្វូន Galaxy F62 ប្រើប្រាស់នូវបន្ទះឈីប Exynos 9825 ជាមួយនឹងរ៉េមទំហំ 6GB និង 8GB។ ស្មាតហ្វូននេះ មានម៉េមូរីទំហំ 128GB និង microSD card slot ផងដែរ។ ស្មាតហ្វូននេះ មានកាមេរ៉ាខាងមុខទំហំ 32-megapixel និងមានកាមេរ៉ាខាងក្រោយចំនួន 4 គ្រាប់ ដែលកាមេរ៉ាគោលគឺមានទំហំ 64-megapixel, 12-megapixel ultrawide lens, 5-megapixel macro lens និង 2-megapixel depth assist lens ។ ស្មាតហ្វូននេះ ប្រើប្រាស់នូវស្បែក One UI 3.1 និងប្រព័ន្ធប្រតិបត្តិការ Android 11 OS ។
សម្រាប់ការចេញលក់នៅក្នុងប្រទេសឥណ្ឌានេះ គឺស្មាតហ្វូន Galaxy F62 មាន 2 versions ដូចជា 6GB+128GB មានតម្លៃ Rs 23,999 (~$331) និង និង 8GB+ 128GB គឺមានតម្លៃ Rs 25,999 (~$359) ៕
