បើទោះបីជាបង្ហាញខ្លួននៅក្នុងឆ្នាំមុនក៏ដោយនោះ ឧបករណ៍ Sony PlayStation 5 គឺនៅតែប្រឈមមុខទៅនឹងកង្វះខាតទៅលើការផ្គត់ផ្គង់។ ចាប់តាំងពីការបង្ហាញវត្តមានរបស់ឧបករណ៍នេះ ឧបករណ៍ Console ថ្មីនេះគឺពិតជាមានតម្រូវការខ្លាំងមែនទែននៅជុំវិញពិភពលោក ប៉ុន្តែតម្រូវការនេះ នឹងមានការខ្វះខាតដោយសារតែខ្វះទៅលើបន្ទះឈីបទូទាំងពិភពលោក។
តាមការបញ្ជាក់នៅក្នុងរបាយការណ៍របស់ FinancialTimes នោះ ក្រុមហ៊ុន Sony បានខិតខំប្រឹងប្រែងតស៊ូយ៉ាងខ្លាំងនៅក្នុងការផ្គត់ផ្គង់ទៅលើឧបករណ៍ PlayStation 5 Consoles នេះ។ កាលពីពេលមុននេះ ក្រុមហ៊ុននេះ បានអះអាងថា កង្វះខាតទៅលើបន្ទះឈីបនេះ គឺដោយសារតែបញ្ហានៅក្នុងការផលិតដោយសារតែមេរោគរាតត្បាតនេះ។ យ៉ាងណាមិញ លោក Jim Ryan ដែលអាចនាយកប្រតិបត្តិ និងអគ្គនាយករបស់ក្រុមហ៊ុន Sony Interactive Entertainment ពេលនេះ បានអះអាងថា ការផ្គត់ផ្គង់ទៅលើឧបករណ៍ PlayStation 5 នឹងចាប់ផ្តើមនៅក្នុងឆមាសទី 2 ឆ្នាំនេះ។ ក្រុមហ៊ុន Sony បានខិតខំប្រឹងប្រែងយ៉ាងខ្លាំងក្នុងការរក្សានូវសន្ទុះនៃតម្រូវការទៅលើឧបករណ៍ Gaming Console នេះ។
លោក Ryan បានបន្ថែមថា តម្រូវការទៅលើឧបករណ៍ PS5 នេះគឺខ្ពស់ជាងអ្វីដែលបានរំពឹងទុក។ ប៉ុន្តែ នាយកប្រតិបត្តិនេះ ជឿជាក់ថា ការផ្គត់ផ្គង់នេះ នឹងមានស្ថានភាពល្អប្រសើរឡើងវិញនៅក្នុងឆ្នាំ 2021 នេះ។ ស្រដៀងគ្នាទៅនឹងក្រុមហ៊ុន Sony ដែរនោះ ក្រុមហ៊ុន Microsoft គឺប្រឹងប្រែងក្នុងការឆ្លើយតបទៅនឹងការផ្គត់ផ្គង់ទៅលើតម្រូវការរបស់ Consoles នេះ។ លោក Phil Spencer ដែលជាអនុប្រធានរបស់ក្រុមហ៊ុន Microsoft បាននិយាយថា ក្រុមហ៊ុននេះបានជម្រុញក្រុមហ៊ុន AMD ក្នុងការផ្គត់ផ្គង់បន្ទះឈីបបន្ថែមផងដែរ។ បញ្ហាទៅលើខ្សែសង្វាក់ផ្គត់ផ្គង់នេះ គឺនឹងបន្តដល់ខែមេសា ឆ្នាំ 2021 នេះ៕