បន្ទាប់ពីការប្រកាសចេញជាផ្លូវការរួចមក នៅថ្ងៃនេះ ក្រុមហ៊ុន Huawei ទើបតែបញ្ចេញនូវទិន្ននន័យទៅលើការជួសជុលទៅលើ Mate X2 ដែលជាស្មាតហ្វូនដែលមានអេក្រងង់អាចបត់បានរបស់ខ្លួន ដែលមានតម្លៃក្រោម $3,000 ហើយ ។ ស្មាតហ្វូនដែលមានក្រង់អាចបត់បានថ្មីនេះ ត្រូវបានគេនិយាយថា គឺមិនមែនមានតម្លៃថោកនៅក្នុងការជួសជុលនោះទេ ប៉ុន្តែការដូរទៅលើអេក្រង់ ឬទៅលើ Motherboard របស់ស្មាតហ្វូននេះ គឺមានតម្លៃថ្លៃជាងគេ។
អ្វីដែលគួរអោយចាប់អារម្មណ៍នោះ អេក្រង់ដែលអាចបត់បានរបស់ស្មាតហ្វូន Mate X2 នេះ គឺមិនមែនជាសមាសភាគដែលមានតម្លៃថ្លៃបំផុតរបស់ស្មាតហ្វូននេះទេ។ នៅក្នុងប្រទេសចិន អេក្រង់នេះ គឺមានតម្លៃត្រឹមតែ $880 ប៉ុណ្ណោះ។ ប៉ុន្តែនៅក្នុងការផ្លាស់ប្តូរទៅលើ Motherboard គឺមានតម្លៃប្រហែលជា $1250 ឬ $1115 ដែលផ្អែកនៅលើទំហំមេម៉ូរី 512GB ឬ 256GB ។ សម្រាប់ទឹកប្រាក់នេះ អ្នកអាចទិញស្មាតហ្វូន Xiaomi Mi 11 បានចំនួន 2 ដើមឯណោះ ដែលស្មាតហ្វូននេះ គឺមិនមានអេក្រង់ដែលអាចបត់បានទេ ប៉ុន្តែស្មាតហ្វូននេះគឺមានបន្ទះឈីបចុងក្រោយបំផុត Snapdragon 888 SoC។
បើនិយាយអំពីសមាសភាគជាច្រើនទៀតនោះ គឺមានផ្នែកកាមេរ៉ា ដែលត្រូវបានគេមើលឃើញថា គឺមានតម្លៃបំផុតនៅក្នុងការផ្លាស់ប្តូរ។ សម្រាប់ម៉ឌុលកាមេរ៉ាទំហំ 50-megapixel sensor គឺមួយគ្រាប់ មានតម្លៃ $185 ។ ការដូរអេក្រង់ខាងក្រៅរបស់ស្មាតហ្វូននេះ គឺមានតម្លៃត្រឹមតែ $125 ប៉ុណ្ណោះ ស្របពេលដែលការដូរថ្មរបស់ស្មាតហ្វូនដែលមានតម្លៃជិត 3 ពាន់ដុល្លានេះគឺមានតម្លៃត្រឹមតែ $30 ប៉ុណ្ណោះ៕
