ស្មាតហ្វូន realme GT 5G ត្រូវបានគេដឹងថា នឹងបង្ហាញខ្លួនជាផ្លូវការនៅក្នុងប្រទេសចិននៅថ្ងៃទី 4 ខែមីនាខាងមុខនេះហើយ។ នៅមុនការប្រកាសចេញនូវស្មាតហ្វូននេះ ក្រុមហ៊ុននេះ ក៏បានទម្លាយនូវលក្ខណៈសម្បត្តិមួយចំនួនរបស់ស្មាតហ្វូននេះផងដែរ។ ថ្ងៃនេះ ក្រុមហ៊ុន realme បានទម្លាយថា ស្មាតហ្វូននេះ នឹងមានតម្លៃក្រោម 2,999 Yuan (~$465) នៅក្នុងទីផ្សាររបស់ចិន។
ស្មាតហ្វូន realme GT 5G នេះ នឹងមានលក្ខណៈសម្បត្តិ និងមុខងារជាច្រើនដ៏អស្ចារ្យ។ ស្មាតហ្វូននេះ ត្រូវបានគេបញ្ជាក់ថា នឹងមានអេក្រង់ AMOLED ដែលមានការទ្រទ្រង់ទៅលើកម្រិតអេក្រង់ 120Hz ផងដែរ។ ស្មាតហ្វូននេះ ប្រើប្រាស់នូវបន្ទះឈីប Snapdragon 888 mobile platform និងអមមកជាមួយនឹងរ៉េម LPDDR5 RAM និងម៉េមូរី UFS 3.1 storage។ ថ្មីៗនេះ ស្មាតហ្វូននេះ ក៏បានបង្ហាញខ្លួននៅលើ AnTuTu benchmarks ដែលមានរ៉េមទំហំ 12GB និងម៉េមូរីទំហំ 256GB ។
លោក Xu Qi ដែលជា CMO របស់ក្រុមហ៊ុន realme បានអះអាងថា ស្មាតហ្វូន realme GT 5G នឹងមិនមានទំហំ 6GB+128 GB នោះទេ។ ស្មាតហ្វូននេះនឹងមានរ៉េមទំហំ 8GB និង 12GB តែប៉ុណ្ណោះ។ សម្រាប់ទំហំពិតប្រាកដរបស់ថាមពលថ្មរបស់ស្មាតហ្វូននេះ នៅមិនទាន់ដឹងនៅឡើយទេ។ នៅក្នុងវិញ្ញាបនបត្រ 3C កន្លងមក គឺបានទម្លាយថា ស្មាតហ្វូននេះ គឺមានបច្ចេកវិទ្យាសាកថ្មលឿនកម្រិត 65W fast charging។
ស្មាតហ្វូននេះ គឺមានកាមេរ៉ា 13-megapixel ultrawide lens និង 13-megapixel telephoto។ នៅលើស្មាតហ្វូននេះ គឺមានរន្ធដោតកាសស្តាប់ 3.5mm audio jack និងប្រព័ន្ធស្កេនក្រយ៉ៅដៃក្រោមអេក្រង់ថែមទៀតផង។ ស្មាតហ្វូន realme GT 5G នេះ នឹងមានប្រភេទស្បែក និងប្រភេទកញ្ចក់នៅផ្នែកខាងក្រោយ។ ស្មាតហ្វូននេះ ត្រូវបានគេបញ្ជាក់ថា គឺជាស្មាតហ្វូនដែលមានតម្លៃសមរម្យបំផុតនៅក្នុងប្រទេសចិនដែលមានបន្ទះឈីប Snapdragon 888 mobile platform ៕
