នៅក្នុងខែធ្នូឆ្នាំ 2020 នេះ ក្រុមហ៊ុន vivo បានបង្ហាញនូវស្មាតហ្វូន Flagship របស់ខ្លួនដែលមានឈ្មោះហៅថា vivo X60 series នៅក្នុងប្រទេសចិន។ ស្មាតហ្វូននេះ គឺទទួលបាននូវការចាប់អារម្មណ៍ជាច្រើនដោយសារតែស្មាតហ្វូននេះប្រើប្រាស់នូវបន្ទះឈីប Exynos 1080 ថ្មីរបស់ក្រុមហ៊ុន Samsung ។ សម្រាប់អ្នកដែលមិនទាន់ដឹងនោះ ស្មាតហ្វូន vivo X60 series នេះគឺមាន៣ ម៉ូឌែលនោះគឺ vivo X60, X60 Pro និង X60 Pro+។ ស្មាតហ្វូននេះគឺមានរូបរាងស្តើង និងទម្ងន់ស្រាល ហើយនេះគឺជាស្មាតហ្វូន 5G ដែលស្តើងបំផុតក្នុងការប្រើប្រាស់។ ស្មាតហ្វូន vivo X60 series ប្រហែលជាបង្ហាញខ្លួននៅលើទីផ្សារសកលឆាប់ៗនេះ។
ថ្មីៗនេះ ស្មាតហ្វូន vivo X60 series នេះទទួលបាននូវវិញ្ញាបនបត្រជាច្រើននៅក្នុងប្រទេសជាច្រើនដូចជាប្រទេសឥណ្ឌូនេស៊ី និងប្រទេសឥណ្ឌា។ ស្មាតហ្វូន vivo X60 ថ្មីៗនេះក៏បង្ហាញខ្លួននៅលើវេបសាយរបស់ក្រុមហ៊ុន Telekon នៅក្នុងប្រទេសឥណ្ឌូនេស៊ីជាមួយនឹងម៉ូឌែល V2045 ។ ស្មាតហ្វូននេះក៏ប្រទះឃើញនៅលើ BIS ឬ Bureau of Indian Standards ផងដែរ។ ក្រៅពីប្រទេសឥណ្ឌូនេស៊ី និងប្រទេសឥណ្ឌានោះ ស្មាតហ្វូន Vivo ដែលមានលេខម៉ូឌែល V2046 ក៏ទទួលបាននូវវិញ្ញាបនបត្រជាច្រើនចេញពី Eurasian Economic Commission ឬ EEC ផងដែរ។
ស្មាតហ្វូន vivo X60 series នេះក៏ប្រកាសបង្ហាញខ្លួនជាផ្លូវការផងដែរ។ ស្មាតហ្វូននេះមានរូបរាងប្រណិត ទម្ងន់ស្រាល និងស្តើងក្នុងការប្រើប្រាស់ថែមទៀត។ ស្មាតហ្វូននេះប្រើប្រាស់នូវបន្ទះឈីប Exynos 1080 ចុងក្រោយបំផុតរបស់ក្រុមហ៊ុន Samsung។ ស្មាតហ្វូន Pro+ នេះ ប្រើប្រាស់នូវបន្ទះឈីប Snapdragon 888 SoC។ ស្មាតហ្វូននេះ មានអេក្រង់កម្រិត 120Hz refresh rate ម៉ូឌុលកាមេរ៉ាខ្លាំងក្លា បច្ចេកវិទ្យាសាកថ្មលឿន បច្ចេកវិទ្យា 5G និងជាច្រើនទៀត។
នៅមិនទាន់មានការបញ្ជាក់អំពីតម្លៃរបស់ស្មាតហ្វូន vivo X60 នោះទេ។ យើងអាចរំពឹងថា សម្រាប់ម៉ូឌែល 8GB+128GB គឺមានតម្លៃប្រហែលជា $535 ខណៈពេលដែល 8GB+256GB គឺមានតម្លៃ $581។ សម្រាប់ម៉ូឌែល Pro ដែលមានរ៉េមទំហំ 12GB RAM និង 256GB គឺមានតម្លៃ $688 ៕
