នៅថ្ងៃទី 21 ខែកុម្ភៈ ឆ្នាំ 2021 នេះ ក្រុមហ៊ុន Huawei បានបង្ហាញនូវកាសស្តាប់ឥតខ្សែ Huawei FreeBuds 4i ដែលមានបច្ចេកវិទ្យា Active Noise Cancellation (ANC) ដែលផ្តល់នូវសំឡេងដ៏អស្ចារ្យ និងល្អបំផុតក្នុងការប្រើប្រាស់។ កាសស្តាប់នេះ មានការឌីស្សាញយ៉ាងប្រណិត និងគុណភាពកម្រិតខ្ពស់ក្នុងការប្រើប្រាស់។ កាសស្តាប់ Huawei FreeBuds 4i នេះ គឺមានការទ្រទ្រង់នូវបច្ចេកវិទ្យាសំឡេងឆ្លាតវៃដែលប្រើប្រាស់នូវ ANC ថែមទៀតផង។
កាសស្តាប់ Huawei FreeBuds 4i នេះគឺមានការឌីស្សាញទម្រង់ 3D bionic ដែលងាយស្រួលក្នុងការប្រើប្រាស់នៅក្នុងត្រចៀក ហើយវាក៏អាចធ្វើការគ្រប់គ្រងតាមរយៈស្មាតហ្វូន ឬ Touch Sensor បានថែមទៀត។ សម្រាប់មុខងារជាច្រើនទៀតនៅលើកាសស្តាប់នេះគឺមានកម្មវិធី AI នៅលើស្បែក EMUI 11។ នៅលើកាសស្តាប់នេះ អ្នកអាចធ្វើការចុចអោយដំណើរការ ចុចស្កុប ឬផ្លាស់ប្តូរតន្រ្តីបានយ៉ាងងាយស្រួល។
កាសស្តាប់នេះ គឺមានថាមពលថ្ម 55mAh នៅលើកាសម្ខាង និងថាមពល 215mAh នៅលើប្រអប់ Charging Box។ សម្រាប់មុខងារជាច្រើនទៀត នៅលើកាសស្តាប់ FreeBuds 4i នេះគឺមានមុខងារ Smart Audio និងបច្ចេកវិទ្យា Bluetooth 5.2។ កាសស្តាប់ Huawei FreeBuds 4i នេះ គឺមាន 3 ពណ៌ក្នុងការជ្រើសរើសនោះ គឺពណ៌ខ្មៅ ពណ៌ស និងពណ៌ក្រហម។ កាសស្តាប់នេះ គឺមានតម្លៃ 499 yuan ($75)។ កាសស្តាប់ FreeBuds 4i នឹងដាក់លក់នៅថ្ងៃទី 8 ខែមីនានេះ នៅក្នុងប្រទេសចិន៕