កាលពីថ្ងៃទី 22 ខែកុម្ភៈ ឆ្នាំ 2021 នេះ ក្រុមហ៊ុន Huawei បានប្រកាសបង្ហាញនូវសមាជិកថ្មីនៃស្មាតហ្វូនដែលអាចបត់បាននោះគឺ Huawei Mate X2 ដែលមានទម្រង់នៃការបត់ថ្មីដែលបត់ចូលក្នុង។ ស្មាតហ្វូននេះ មានអេក្រង់ចំនួនភ្លោះ និងប្រើបន្ទះឈីប Kirin processor ដ៏ខ្លាំងក្លា និងការឌីស្សាញដែលពិតជាទាក់ទាញ និងអស្ចារ្យមែនទែន។ ស្មាតហ្វូន Huawei Mate X2 នេះ គឺមានការឌីស្សាញទម្រង់បត់ចូលក្នុង ខណៈពេលដែលស្មាតហ្វូន Mate X និង Mate Xs គឺមានទម្រង់នៃការបត់ចេញក្រៅ។
សម្រាប់ការឌីស្សាញថ្មីនេះ គឺមានអេក្រង់ពីរ ខណៈពេលដែលអេក្រង់គោលរបស់វា គឺមានទំហំ 8-inch ដែលអាចបត់បានដែលមានកម្រិតភាពច្បាស់ខ្ពស់ និងផ្តល់នូវបទពិសោធន៍នៃការទស្សនាយ៉ាងអស្ចារ្យបំផុត។ នៅពេលដែលបត់នោះ ស្មាតហ្វូន Mate X2 អនុញ្ញាតអោយអ្នកប្រើប្រាស់ជាមួយនឹងអេក្រង់ទំហំ 6.45-inch Cover OLED ដែលមានកម្រិតភាពច្បាស់ FHD+ និងរន្ធ Pill-Shape នៅគែមខាងឆ្វេងនៃអេក្រង់ថែមទៀតផង។ ស្មាតហ្វូននេះ មានការឌីស្សាញទម្រង់ថ្មីដែលរូបរាងរបស់វាពិតជាស្តើងខ្លាំងមែនទែន។
តាមការបញ្ជាក់របស់ក្រុមហ៊ុន Huawei បានអោយដឹងថា ស្មាតហ្វូន Mate X2 ប្រើប្រាស់នូវប្រព័ន្ធ Hinge ថ្មី ដែលរឹងមាំក្នុងការប្រើប្រាស់។ ស្មាតហ្វូននេះមានប្រើប្រាស់នូវលោហធាតុដែករឹងមាំដែលធន់ក្នុងការប្រើប្រាស់ ហើយវាមានការបន្ថែមនូវ Carbon Fiber ដែលធ្វើអោយតួខ្លួនរបស់ស្មាតហ្វូននេះស្រាលក្នុងការប្រើប្រាស់ថែមទៀត។ ស្មាតហ្វូន Huawei Mate X2 នេះមាន 4 ពណ៌ក្នុងការប្រើប្រាស់នោះគឺពណ៌ស ពណ៌ខ្មៅ ពណ៌ខៀវគ្រីស្តាល់ និងពណ៌ផ្កាឈូកគ្រីសា្តល់។
ស្មាតហ្វូន Huawei Mate X2 ប្រើប្រាស់នូវបន្ទះឈីប 5nmKirin 9000 chipsetដែលមានស្ថាបត្យកម្ម Octa-core CPU ជាមួយនឹងអង្គគណនា 1 x Cortex -A77 ដែលមានល្បឿន 3.13 GHz, 3 x Cortex-A77 ដែលមានល្បឿន 2.54 GHz, 4 x Cortex-A55 ដែលមានល្បឿន 2.05 GHz។ ស្មាតហ្វូននេះ មានក្រាហ្វិកកាត 24-core mali-G78 GPU ដែលល្អក្នុងការលេងហ្គេម និងក្រាហ្វិកធំៗថែមទៀត។ បន្ទះឈីប Kirin 9000 នេះក៏ដំណើរការនូវបច្ចេកវិទ្យា 5G និង Wi-Fi 6+។
ស្មាតហ្វូន Huawei Mate X2 នេះ មានថាមពលថ្មទំហំ 4500mAh ដែលអាចបញ្ចូលថាមពលថ្មពេញបាន 50% នៅក្នុងពេល 30 នាទីជាមួយនឹងការប្រើប្រាស់នូវឆ្នាំងសាក 55W super-fast charger ។ ស្មាតហ្វូន Huawei Mate X2 នេះក៏មានប្រើប្រាស់នូវស្បែក EMUI 11 សម្រាប់ទ្រទ្រង់នូវ multi-window mode, interface animations, UI ថ្មីនិងជាច្រើនទៀត។ វាក៏មាន Huawei Mobile Services (HMS) ផងដែរ។ ស្មាតហ្វូន Mate X2 នេះប្រើប្រាស់នូវកាមេរ៉ាខាងក្រោយ 4 គ្រាប់ប្រភេទ Leica ដែលមានកម្រិតសេនស័រ 1/1.28-inch RYYB sensor, 100x binocular zoom, 2.5cm super macro ដែលអាចធ្វើការថតរូបភាពច្បាស់គ្រប់ស្ថានភាព។ កាមេរ៉ានេះក៏មានការទ្រទ្រង់នូវមុខងារ autofocus និង Huawei AI Image Stabilization រួមជាមួយនឹង Photo Modes ដែលអាចជួយអ្នកប្រើប្រាស់អោយចាប់ប្លង់រូបភាពបានស្អាតថែមទៀត៕