ក្រុមហ៊ុន OPPO បានអះអាងថា ស្មាតហ្វូន OPPO Find X3 Series គឺមានការឌីស្សាញរូបរាងថ្មីយ៉ាងប្រណិតមែនទែនក្នុងការប្រើប្រាស់។ នៅក្នុងវីដេអូផ្សព្វផ្សាយថ្មីរបស់ស្មាតហ្វូននេះ ក៏មានការបញ្ជាក់អំពីស្មាតហ្វូននេះផងដែរ។ វីដេអូនេះ មានការបង្ហាញថា ស្មាតហ្វូន OPPO Find X3 Series នេះ មានអេក្រង់ punch-hole ដែលស្ថិតនៅគែមខាងឆ្វេងរបស់វា។ ស្មាតហ្វូននេះមានកាមេរ៉ាខាងក្រោយ 4 គ្រាប់។
បើតាមការបែកធ្លាយជាច្រើនកាលពីពេលមុននេះ ស្មាតហ្វូន OPPO Find X3 Series នឹងមាន 3 ម៉ូឌែលសម្រាប់ប្រើប្រាស់។ ស្មាតហ្វូន OPPO Find X3 Pro នឹងមានបន្ទះឈីប Snapdragon 888 Processor (12GB+256GB storage) ស្មាតហ្វូន Find X3 គឺមានបន្ទះឈីប Snapdragon 870 ខណៈពេលដែលស្មាតហ្វូន Find X3 Lite គឺមានបន្ទះឈីប Qualcomm mid-range processor Snapdragon 765G ។
ក្រុមហ៊ុននេះ ក៏បានទម្លាយនូវព័ត៌មានជាច្រើនទៀតអំពីស្មាតហ្វូន OPPO Find X3 series នេះផងដែរ។ ស្មាតហ្វូននេះ មានអេក្រង់ដែលទ្រទ្រង់ដល់ទៅ 1 ពាន់លានពណ៌ ហើយវាគឺប្រើប្រាស់នៅលើប្រព័ន្ធ Android 10bit full-link color management system។ ស្មាតហ្វូន OPPO Find X3 មានការទ្រទ្រង់ទៅលើបច្ចេកវិទ្យាអេក្រង់ LTPO និង 5Hz-120Hz adaptive refresh rate ផងដែរ។
បើនិយាយអំពីកាមេរ៉ាខាងក្រោយនោះ ស្មាតហ្វូននេះ មានកាមេរ៉ាដែលមានទំហំ 50MP Sony IMX766 primary sensor ជាមួយនឹង OIS, PDAF, f/1.8 កាមេរ៉ា 50MP ultra-wide sensor ជាមួយនឹង 4 cm macro shots f/2.2 កាមេរ៉ា 13MP periscope sensor ជាមួយនឹង f/2.4 aperture និង 5-megapixel micro-lens FOV 77° និង f/3.0 aperture ។ ស្មាតហ្វូននេះ មានកាមេរ៉ាខាងមុខដែលមានទំហំ 32MP selfie ៕