ថ្មីៗនេះ ក្រុមហ៊ុន Xiaomi បានចេញផ្សាយនូវវីដេអូមួយនៅលើ YouTube channel ផ្លូវការរបស់ខ្លួនដែលមានការបង្ហាញអំពីគ្រឿងក្នុងរបស់ស្មាតហ្វូន Redmi Note 10 Pro ស្របពេលដែលអ្នកជំនាញជាច្រើន ក៏បានដោះមើលនូវគ្រឿងខាងក្នុងរបស់ស្មាតហ្វូន Redmi Note 10 Pro នេះផងដែរ ប៉ុន្តែជាប្រភេទ version សម្រាប់ទីផ្សារអន្តរជាតិ។ សម្រាប់ទីផ្សារនៅក្នុងប្រទេសឥណ្ឌា លេខម៉ូឌែលរបស់ស្មាតហ្វូននេះ គឺស្ថិតនៅក្រោមស្មាតហ្វូនឈ្មោះ Redmi Note 10 Pro Max។ ស្មាតហ្វូន Redmi Note 10 Pro មានតម្លៃ $ 279 ហើយការលក់ស្មាតហ្វូននេះ គឺចាប់ផ្តើមនៅក្នុងខែមីនានេះ។
បើតាមការបញ្ជាក់នៅក្នុងវីដេអូនេះ បានបង្ហាញ ក្រុមហ៊ុន Xiaomi គឺផ្តោតខ្លាំងមែនទែនទៅលើសមាសភាគរបស់ស្មាតហ្វូន Redmi Note 10 Pro។ ស្មាតហ្វូននេះ មានអេក្រង់ AMOLED ដែលមានកម្រិត refresh rate 120Hz, កាមេរ៉ាខាងក្រោយ 4 គ្រាប់ដែលមានទំហំ 108 Megapixel កាមេរ៉ាខាងមុខទំហំ 16 Megapixel បន្ទះឈីប Qualcomm Snapdragon 732G SoC, LPDDR4X RAMថាមពលថ្មទំហំ 5020mAh រន្ធដោតកាសស្តាប់ 3.5 mm audio jack រន្ធដោត USB Type-C រន្ធដាក់ស៊ីមពីរ និងប្រព័ន្ធស្កេនក្រយ៉ៅដៃនៅចំហៀងថែមទៀតផង។
Xiaomi គឺជាក្រុមហ៊ុនបច្ចេកវិទ្យាមុនគេ ដែលបង្ហាញនូវស្មាតហ្វូន Flagship ដែលមានបន្ទះឈីប Qualcomm Snapdragon 888។ ក្រុមហ៊ុននេះ បានបង្ហាញនូវស្មាតហ្វូន Mi 11 នៅក្នុងខែធ្នូកន្លងទៅនេះ ជាមួយនឹងស្បែក MIUI 12.5 ។ ថ្មីៗនេះ ក្រុមហ៊ុននេះ ក៏បានប្រកាសជាផ្លូវការនូវស្មាតហ្វូន Flagship ថ្មីសម្រាប់ទីផ្សារសកលផងដែរ៕
