ក្រុមហ៊ុន OnePlus នឹងប្រកាសជាផ្លូវការនូវវត្តមានរបស់ស្មាតហ្វូន OnePlus 9 Series របស់ខ្លួននៅថ្ងៃទី 23 ខែមីនានេះ ខណៈពេលដែលក្រុមហ៊ុននេះ នឹងដាក់លក់ស្មាតហ្វូននេះ នៅក្នុងប្រទេសចិននៅថ្ងៃទី 24 ខែមីនានេះ។ ស្មាតហ្វូននេះ ក៏ដាក់អោយធ្វើការបញ្ជាទិញមុននៅក្នុងប្រទេសចិនចាប់ពីថ្ងៃទី 9 ខែមីនានេះ។ ក្រុមហ៊ុន OnePlus ពេលនេះបានចែករំលែកនូវរូបភាពថ្មីមួយដែលមានការទម្លាយថា ចំនួនអ្នកកក់ទិញស្មាតហ្វូន OnePlus 9 series នេះគឺលើសពី 2 លានគ្រឿង។
នេះ គឺជាចំនួននៃការកក់ទិញស្មាតហ្វូនថ្មីនេះ គឺខ្ពស់លើសពីស្មាតហ្វូនជាច្រើនទៀតនៅក្នុងប្រវត្តិរបស់ក្រុមហ៊ុន OnePlus។ នេះ មិនមានអ្វីដែលគួរអោយសង្ស័យនោះទេដោយសារតែស្មាតហ្វូននេះមានការចាប់អារម្មណ៍ខ្លាំងមែនទែន។ ស្មាតហ្វូននេះ គឺមានលក្ខណៈពិសេសជាច្រើនទៀតដែលធ្វើអោយស្មាតហ្វូននេះមានការពេញនិយមខ្លាំងនោះ។ ស្មាតហ្វូន OnePlus 9 Series នេះមានលក្ខណៈពិសេសជាច្រើនដូចជាការឌីស្សាញ អេក្រង់ កាមេរ៉ា និងកម្លាំងម៉ាស៊ីនរបស់វា។
ស្មាតហ្វូននេះ គឺមានអេក្រង់ Samsung LTPO ដែលមានកម្រិត 120Hz refresh rate ប៉ុន្តែក៏អាចធ្វើការទម្លាក់កម្រិត 1Hzដោយស្វ័យប្រវត្តិផងដែរ ដើម្បីកាត់បន្ថយទៅលើការប្រើប្រាស់ថាមពលនៃស្មាតហ្វូននេះ។ ក្រុមហ៊ុន OnePlus បានប្រកាសកាលពីពេលមុននេះថា ខ្លួនបានសហការជាមួយនឹងក្រុមហ៊ុនផលិតកាមេរ៉ារបស់អាល្លឺម៉ង់ គឺ Hasselblad ផងដែរ។ ស្មាតហ្វូន OnePlus 9 series គឺជាស្មាតហ្វូនប្រភេទ flagship series ដែលមានបន្ទះឈីប Snapdragon 888 ជាមួយនឹងរ៉េម LPDDR5 RAM និង UFS3.1 flash storage ។ OnePlus 9 series នឹងដាក់លក់នៅក្នុងប្រទេសចិននៅថ្ងៃទី 30 ខែមីនានេះ៕