ក្រុមហ៊ុន Huawei នឹងប្រកាសចេញលក់នាឡិកាសុខភាព Watch Fit ដែលជាម៉ូដែលពិសេសហៅថា Watch Fit Elegant នៅទីផ្សារចក្រភពអង់គ្លេសនាថ្ងៃទី 26 ខែមិនា ខាងមុខនេះ តាមរយះហាង Huawei Store និងហាងលក់រាយជាច្រើនទៀតជាមួយតម្លៃខ្ទង់ £110 ឬប្រហែល $173។
នាឡិកាឆ្លាតវៃ Watch Fit ម៉ូដែលពិសេសនេះគឺមានលក្ខណៈសម្បត្តិខ្ពស់ជាង Watch Fit ស៊េរីធម្មតាដែលបានប្រកាសចេញកាលពីកំឡុងខែសីហា ឆ្នាំ 2020 កន្លងទៅ ដោយក្នុងនោះ គឺមានដូចជាតួរនាឡិកាត្រូវបានផលិតឡើងពីលោហៈធាតុ Stainless Steal និងមានខ្សែពាក់ជាប្រភពជ័រទន់ពិសេសហៅថា soft fluoroelastomer ដែលមានភាពធន់នឹងកំដៅ សារធាតុប្រេង សំណើម ទន់ក្នុងការកាច់បត់ខ្ពស់បំផុតជាងខ្សែដៃដែលផលិតពីសារធាតុស៊ីលីកូន ព្រមទាំងមិនបង្កអោយកើតអាលែហ្ស៊ីស្បែកទៀងផង។
Huawei Watch Fit Elegant មានជម្រើសពីរម៉ូដែល គឺម៉ូដែលមានតួរពណ៌ទឹកមាស និងខ្សែពណ៌ស និងម៉ូដែលពណ៌ខ្មៅហៅថា Midnight Black ដែលមានស៊ុម និងទំពក់ខ្សែពណ៌ទឹកប្រាក់។ ក្រៅតែមានស៊ុមជាដែក Stainless Steal និងខ្សែប្រភេទជ័រទន់គុណភាពខ្ពស់ទៅ សម្រាប់គុណសម្បត្តិរបស់ Watch Fit Elegant គឺនៅរក្សាដូចគ្នានឹងម៉ូដែលធម្មតាដដែលក្នុងមានដូចជា អេក្រង់កោង 2.5D AMOLED ទំហំ 1.64 អ៊ីញ កម្រិត HD ទំហំ 280x456px មានភាពម៉ដ្ឋលើផ្ទៃអេក្រង់ 326ppi និងមានផ្ទៃបង្ហាញចេញសរុបកម្រិត 70% និងទ្រទ្រង់នូវមុខងារ Full-Screen ជាដើម។
សម្រាប់ទំហំវិមាត្ររួមរបស់នាឡិកាវិញគឺ 46 x 30 x 10.7mm។ ហើយដោយសារតែវាប្រើប្រាស់នូវស៊ុមស្រោបតួរជាប្រភេទ Stainless Steal ទើបធ្វើអោយទំងន់របស់វាកើនជាងម៉ូដែលធម្មតាប្រមាណ 6 ក្រាមគឺឡើងដល់ 27 ក្រាម ដោយម៉ូដែលធម្មតាគឺមានទំងន់ 21 ក្រាម។ ជាមួយគ្នានេះដែរ Watch Fit Elegant ត្រូវបាន Huawei ដាក់បញ្ចូននៅមុខងារ Always On Display ថ្មីចំនួន 6 ស្ទាយ សម្រាប់បង្ហាញព័ត៌មានមួយចំនួននៅពេលដែលអេក្រង់នាឡិកាបិទ។ Watch Fit Elegant បំពាក់នូវបន្ទះឈីប Kirin A1 ប្រតិបត្តិការដោយ Huawei Watch LiteOS និងមានថ្មកាន់ថាមពលប្រើបាន 12 ម៉ោង (Stand-by mode)។
ជាងនេះទៅទៀត Watch Fit Elegant មានភ្ជាប់នូវមុខងារតាមដានទីតាំង (GPS Sensor), ប្រព័ន្ធការពារទឹក និងធូលីកម្រិត 5ATM, មុខងារវាស់ចង្វាក់បេះដូង (AI Heat rate Algorithm), មុខងារវាស់កម្រិតអ៊ុកហ្ស៊ីសែនក្នុងឈាម (SpO2 blood oxygen saturation detection), រួមនឹងមុខងារសំខាន់ៗជាច្រើនទៀតដូចជា 6-axis IMU sensor (Accelerometer sensor, Gyroscope sensor), Optical heart rate sensor, capacitive sensor, ambient light sensor, 24-hour heart rate monitoring, menstruation cycle trackers, Huawei TruSleep 2.0 for better sleep tracking, and TruRelax to keep track of your stress meter...ជាដើម៕