ថ្មីៗនេះ ក្រុមហ៊ុន LG Electronics ទើបតែប្រកាសថា ខ្លួនចាកចេញពីអាជីវកម្មស្មាតហ្វូនរបស់ខ្លួនហើយ។ ក្រុមហ៊ុននេះ ត្រូវបានគេមើលឃើថា គឺមានហេតុផលជាច្រើនក្នុងការចាកចេញពីឧស្សាហកម្មនេះ។ នៅពេលនេះ ក្រុមហ៊ុន Samsung និង OPPO បាននឹងកំពុងតែប្រកួតប្រជែងគ្នាក្នុងការចាប់យកទីផ្សារបស់ក្រុមហ៊ុនបច្ចេកវិទ្យានេះផងដែរ។
តាមការបញ្ជាក់នៅក្នុងរបាយការណ៍ចេញពី MoneyUDN បានអោយដឹងថា ក្រុមហ៊ុនបច្ចេកវិទ្យាយក្សរបស់ប្រទេសកូរ៉េខាងត្បូងនេះ គឺនឹងបិទនូវអាជីវកម្មរបស់ខ្លួនខណៈពេលដែលក្រុមហ៊ុននេះមិនអាចប្រកួតប្រជែងបានជាមួយនឹងក្រុមហ៊ុន Samsung និង Apple នៅក្នុងទីផ្សារស្មាតហ្វូន High-End ខណៈពេលដែលក្រុមហ៊ុនជាច្រើនរបស់ចិន គឺកាន់កាប់ទៅលើទីរស្មាតហ្វូនថ្នាក់ទាប និងថ្នាក់កណ្តាលនោះ។ បន្ថែមពីនេះទៀតនោះ ចំនែកទីផ្សាររបស់ក្រុមហ៊ុននេះ ប្រហែលជាមានការដណ្តើមពីក្រុមហ៊ុន OPPO និង Samsung ផងដែរ។
បន្ថែមពីនេះទៀតនោះ ទីផ្សារស្មាតហ្វូនសកលក៏មានការបែកចែកជាពីរផងដែរនោះគឺ iOS និង Android។ នៅក្នុងទីផ្សារនេះ ក្រុមហ៊ុន Apple និង Samsung គឺជាក្រុមហ៊ុនដែលនាំមុខគេ ហើយក្រុមហ៊ុន Huawei ក៏ប្រហែលជាមានបញ្ហារងគ្រោះដោយសារតែការរឹតបន្តឹងទៅលើការធ្វើពាណិជ្ជកម្មជាមួយនឹងសហរដ្ឋអាមេរិកផងដែរ។ ក្រុមហ៊ុនរបស់ចិន OPPO និង Xiaomi ក៏មានសន្ទុះនៃការគាំទ្រខ្លាំង និងអ្នកគាំទ្រច្រើនដែលអាចយកឈ្នះក្រុមហ៊ុនរបស់កូរ៉េខាងត្បូងនេះថែមទៀតផង៕
