DJI គឺក្រុមហ៊ុនល្បីល្បាញមែនទែន នៅក្នុងការធ្វើការនៅលើយន្តហោះ ដែលគ្មានមនុស្សបើក Drone។ ក្រុមហ៊ុននេះ តែងតែបញ្ចេញនូវផលិតផលថ្មីៗរបស់ខ្លួនមិនលួសខែទេ ជាក់ស្តែងនៅពេលនេះ មានការបែកធ្លាយថ្មីមួយ បានទម្លាយអំពីរូបរាងរបស់ Air 2S drone ជាមួយនឹងលក្ខណៈសម្បត្តិពិសេសៗមួយចំនួនផងដែរ។
តាមការបញ្ជាក់នៅក្នុងរបាយការណ៍របស់ TechnikNews បានអោយដឹងថា Air 2S របស់ក្រុមហ៊ុនផលិតយន្តហោះដែលគ្មានមនុស្សបើកនេះគឺ មានកាមេរ៉ាដែលមានទំហំ 20 megapixel ដែលមានការពង្រឹងពីការប្រើប្រាស់នូវសេនស័រ 12 megapixel sensor ដែលប្រើប្រាស់នៅលើយន្តហោះ Mavic Air 2។ អ្វីដែលគួរអោយកត់សម្គាល់នោះ e Air 2S នេះមិនមានការប្រើប្រាស់នូវម៉ាកសញ្ញា ‘Mavic’ នោះទេ ហើយវាក៏ស្ថិតនៅក្នុងបញ្ជីនៃវិញ្ញាបនបត្រជាច្រើនើផងដែរ។ យន្តហោះដែលគ្មានមនុស្សបើក Drone ថ្មីនេះ គឺមានទម្ងន់ 600g ដែលមានទម្ងន់ធ្ងន់ជាងម៉ូឌែលជំនាន់មុនដែលមានទម្ងន់ត្រឹមតែ 30g ថែមទៀត។
បន្ថែមពីនេះទៀតនោះ ក្រុមហ៊ុននេះក៏មាន 10 bit color ទៅលើកាមេរ៉ារបស់វាថែមទៀតផង។ ស្រដៀងគ្នានេះផងដែរ យន្តហោះ Air 2S នឹងមានការទ្រទ្រង់ទៅលើ “Intelligent HDR”។ សម្រាប់មុខងារជាច្រើនទៀត គឺមានការទ្រទ្រង់ទៅលើ hyper lapse និង panorama ផងដែរ។ បើមើលទៅលើរូបភាពនេះ យន្តហោះគ្មានមនុស្សបើក Drone នេះ គឺមានសមត្ថភាពក្នុងការហោះនៅក្នុងល្បឿនចំនួន 19 ម៉ែត្រក្នុងមួយវិនាទី។ សម្រាប់យន្តហោះគ្មានមនុស្សបើក Air 2S នេះមានរ៉េមទំហំ 8GB ផងដដែរ។ បន្ថែមពីនេះ វាក៏មានមុខងារ “Master Shots” សម្រាប់ការថតវីដេអូខ្លីៗផងដែរ៕
