កាលពីខែតុលាឆ្នាំ 2019 ក្រុមហ៊ុន Xiaomi បានបង្ហាញនូវអេក្រង់ Mi Surface Display នៅក្នុងប្រទេសចិន ដែលនេះ គឺជាម៉ូនីទ័រលេងហ្គេមអេក្រង់កោងដំបូងបំផុតរបស់ក្រុមហ៊ុននេះ។ ក្រោយមកក្រុមហ៊ុននេះ ក៏បាបន្តបង្ហាញនូវម៉ូនីទ័រលេងហ្គេមអេក្រង់កោង Mi Curved Gaming Monitor 34 អ៊ីងនៅក្នុងទី្វបអ៊ឺរ៉ុបនៅក្នុងខែកក្កដាឆ្នាំ 2020។ មួយខែក្រោយមកទៀត ផលិតផលនេះ ក៏បានបង្ហាញខ្លួននៅក្នុងប្រទេសម៉ាឡេស៊ីផងដែរ។ ពេលនេះ រយៈពេល 1 ឆ្នាំកន្លះហើយ នៅទីបំផុតម៉ូនីទ័រនេះប្រកាសបង្ហាញខ្លួននៅក្នុងប្រទេសឥណ្ឌូនេស៊ីជាផ្លូវការហើយ។
ក្រុមហ៊ុន Xiaomi បានប្រារព្ធនូវខួបលើកទី 11 របស់ខ្លួនតាមរយៈការផ្តល់នូវការចុះតម្លៃជាច្រើនទៅលើផលិតផលជាច្រើនរបស់ខ្លួននៅជុំវិញពិភពលោកដែលជាផ្នែកមួយនៃព្រឹត្តិការណ៍ Mi Fan Festival 2021 នេះ។ នៅក្នុងតំបន់មួយចំនួនននោះ ក្រុមហ៊ុននេះក៏ត្រៀមខ្លួនក្នុងការប្រកាសបង្ហាញនូវផលិតផលជាច្រើននៅក្នុងព្រឹត្តិការណ៍នេះផងដែរ។ ក្រុមហ៊ុន Xiaomi ក៏ប្រកាសបង្ហាញនូវម៉ូនីទ័រអេក្រង់គែមកោង Mi Curved Gaming Monitor 34” នៅក្នុងប្រទេសឥណ្ឌូនេស៊ីផងដែរ។
ម៉ូនីទ័រនេះគឺមានតម្លៃ Rp 6,799,000 ($467) នៅក្នុងប្រទេសនេហ។ អេក្រង់នេះ នឹងដាក់លក់នៅថ្ងៃទី 13 ខែមេសានេះនៅវេលាម៉ោង 12:00 AM នៅលើវេបសាយ Mi.com ផងដែរ។ ផលិតផលនេះនឹងដាក់លក់នៅតាមហាង Mi Stores ថែមទៀត។ សម្រាប់ម៉ូនីទ័រអេក្រង់គែមកោង Xiaomi Mi Curved Gaming Monitor 34 អ៊ីងនេះ គឺមានទំហំ 34-inch WQHD (3440×1440 pixels) LCD ជាមួយនឹងកម្រិតកោងដល់ទៅ 1500R , 21:9 aspect ratio និង 144Hz refresh rate។
បន្ថែមពីនេះទៀតនោះ អេក្រង់ VA នេះ គឺមានកម្រិតពណ៌ 16.7 លានពណ៌ (8-bit), 3000:1 contrast ratio, 121% sRGB color gamut, 85% NTSC color gamut, 300 nits និង 4ms response time ផងដែរ។ ម៉ូនីទ័រនេះ គឺមានការទ្រទ្រង់ទៅលើ AMD FreeSync Premium និង blue light mode ផងដែ។ វាក៏មាន x HDMI 2.0, 2 x DisplayPort 1.4, 1 x 3.5mm audio port និង 1 x AC power in ផងដែរ៕
