យោងតាមព័ត៌មានថ្មីបំផុតនេះ បានបញ្ជាក់ថា ក្រុមហ៊ុន Huawei បានត្រៀមខ្លួនរួចរាល់ក្នុងការប្រកាសចេញនូវថេប្លេតស៊េរីថ្មីរបស់ខ្លួនឆាប់ៗនេះហើយ។ ក្រុមហ៊ុនមហាយក្សចិនមួយនេះ នឹងប្រកាសចេញនូវថេប្លេតស៊េរីថ្មីរបស់ខ្លួននៅថ្ងៃទី 20 ខែមេសា ឆ្នាំ 2021 នេះ គឺចំថ្ងៃដែលក្រុមហ៊ុន Apple ប្រកាសត្រៀមរៀបចំនូវព្រឹត្តិការណ៍ពិសេសរបស់ខ្លួនផងដែរ។
តាមការបញ្ជាក់នៅក្នុងរបាយការណ៍ចេញពី NotebookCheck គឺបានអោយដឹងថា ក្រុមហ៊ុនបច្ចេកវិទ្យាយក្ស ដែលមានមូលដ្ឋាននៅសហរដ្ឋអាមេរិកនេះ គឺបានបង្ហាញនូវកាលបរិច្ឆេទក្នុងការប្រកាសចេញនូវផលិតផលថ្មីរូចហើយ។ នៅក្នុងព្រឹត្តិការណ៍នេះ គឺត្រូបានគេរំពឹងថា ក្រុមហ៊ុននេះ នឹងបង្ហាញនូវថេប្លេត iPad 2021 ជាច្រើនម៉ូដែល ដែលករណីនេះ ត្រូវបានគេនិយាយថា គឺជាពេលវេលាមួយ ដែលជាការប៉ះទង្គិចគ្នារវាងក្រុមហ៊ុនបច្ចេកវិទ្យាទាំងពីរនេះ។
តាមការបញ្ជាក់របស់ប្រភពខាងលើបាននិយាយថា ផលិតផលថ្មីរបស់ក្រុមហ៊ុន Huawei នោះ គឺជាថេប្លេត MatePad Pro 2 ដែលមានពាក្យចចាមអារ៉ាមថា នឹងមានប្រើប្រាស់នូវបន្ទះឈីប Kirin 9000 processor។ ថេប្លេតនេះ គឺមានអេក្រង់ទំហំ 12.2 inch OLED របស់ក្រុមហ៊ុន Samsung ជាមួយនឹងការទ្រទ្រង់ទៅលើ 5G networking ផងដែរ។ ថេប្លេត MatePad Pro 2 នេះ អាចនឹងបង្ហាញខ្លួនជាមួយនឹងប្រព័ន្ធប្រតិបត្តិបត្តិការ HarmonyOS ថែមទៀតផង។ សម្រាប់អ្នកដែលមិនបានដឹងនោះ នេះ គឺជាប្រព័ន្ធប្រតិបត្តិការដែលធ្វើការអភិវឌ្ឍដោយក្រុមហ៊ុនផលិតគ្រឿងអេឡិចត្រូនិចរបស់ចិននេះ៕