ថ្មីៗនេះ បន្ទាប់ពីមានការបែកធ្លាយទៅលើទិន្នន័យរបស់អ្នកប្រើប្រាស់ Facebook ដែលជាវេទិកាសង្គមមួយ មានការពេញនិយមខ្លាំងចំនួន 530 លានគណនី ដែលត្រូវបានគេរកឃើញថា មានអ្នកចូលទៅលុកលុយ ត្រូវបានគេចាត់ថា នេះជារឿងមួយដែលមានការព្រួយបារម្ភមែនទែន ដែលនេះ គឺជាឧទាហរណ៍មួយទៀតសម្រាប់លោកអ្នកមានការប្រុងប្រយ័ត្នចំពោះការសម្រេចចិត្តចូលនៅក្នុងការប្រើប្រាស់បណ្តាញសង្គមនេះ។
នៅពេលនេះ មានរឿងថ្មីទៀតហើយទាក់ទងជាមួយនិងបណ្តាញសង្គមដូចគ្នាតែមិនមែន FaceBook នោះទេ។ បើតាមការបញ្ជាក់របស់ CyberNews បានអោយដឹងថា ថ្មីៗនេះ មានការទម្លាយថា ហេគឃ័រ បានលួចយកនូវគណនី LinkedIn profiles របស់អ្នកប្រើប្រាស់ប្រហែលជា 500 លានគណនី និងការលក់នូវទិន្នន័យប្រហែលជា 2 លានទិន្នន័យនៅក្នុងតម្លៃត្រឹមតែ 2 ដុល្លារ។ អ្នកប្រើប្រាស់នៅលើវេទិកាម្នាក់ បានទម្លាយថា ហេគឃ័រ បានប្រកាសដាក់លក់ព័ត៌មាននេះ នៅក្នុងតម្លៃរាប់ពាន់ដុល្លារ ដែលមានចំនួន 500 លានគណនី។ នៅក្នុងទម្លាយនេះ គឺមានព័ត៌មានជាច្រើនដែលគេបានបង្ហាញនូវព័ត៌មានដូចគ្នានៅលើវេទិកានេះ។
អ្នកប្រើប្រាស់ម្នាក់ បានបញ្ជាក់ថា គេអាចទិញគណនី LinkedIn user profiles ចំនួន 827 លានគណនីនៅក្នុងទឹកប្រាក់ចំនួន $7,000។ តួរលេខនេះ គឺមានអ្នកប្រើប្រាស់ច្រើនជាង 740 លានគណនី។ ហេគឃ័រ បានដាក់ទិន្នន័យនេះ ទៅជា 7 ក្រុម។ បន្ថែមពីលើទិន្នន័យរបស់អ្នកប្រើប្រាស់ចំនួន 500 លានគណនីនេះ បើធៀបទៅនឹងការបែកធ្លាយមុននេះ គឺមានអ្នកប្រើប្រាស់នៅលើសកល និងអ្នកប្រើប្រាស់នៅក្នុងសហរដ្ឋអាមេរិកនៅក្នុងតម្លៃ 327 លានគណនី។ ប្រភពខាងលើបានបន្តថា ការលក់នេះ គឺដាក់លក់ជាក្រុម មិនមែនដាក់លក់ដាច់ដោយឡែកទេ៕