ថ្មីៗនេះ ក្រុមហ៊ុន AMD ទើបតែប្រកាសចេញនូវបន្ទះឈីប Ryzen 5000G Series CPUs ដែលល្អបំផុតនៅក្នុងការលេងហ្គេមនៅលើ PC ជាមួយនឹងបទពិសោធន៍ដែលអស្ចារ្យបំផុតគ្មានគូប្រៀបនោះទេ។ បើតាមការបញ្ជាក់អោយដឹងពីសំណាក់ក្រុមហ៊ុននេះ បាននិយាយថា បន្ទះឈីប 5000G Series នេះ គឺជាជំនាន់ថ្មីរបស់បន្ទះឈីប Ryzen 4000G series ដែលផ្តល់នូវក្រាហ្វិកដែលមានគុណភាពខ្ពស់ និងសមត្ថភាពខ្លាំងក្នុងការប្រើប្រាស់ថែមទៀតផង។
បន្ទះឈីប Ryzen 5000G Series CPUs នេះ គឺមានសមត្ថភាពនៅក្នុងការដំណើរការនូវ Zen 3 processing ជាមួយនឹង Vega 8 integrated graphics ដែលផ្តល់នូវល្បឿន GPU យ៉ាងខ្លាំងក្លាបំផុតក្នុងការប្រើប្រាស់។ ដូចនេះ អ្នកមិនចាំបាច់ក្នុងការទិញនូវវីដេអូកាតសម្រាប់បង្កើនទៅលើសមត្ថភាពនៅក្នុងការលេងហ្គេមនោះទេ។
ផលិតផលទាំងនេះ គឺមាន Ryzen 3 5300G ដែលមាន 4GHz base clock នៅក្នុងកម្រិត 65W TDP និង 5300GE ដែលមាន 3.6GHz base clock ដែលមានកម្រិត 35W TDP ។ វាក៏មាន Ryzen 5600GE ដែលមាន 3.4GHz base clock, 5600G មាន 3.9GHz clock, 5700GE និង 3.8GHz 5700G ផងដែរ។
ក្រុមហ៊ុន AMD បានអះអាងថា សម្រាប់ Ryzen 5700G គឺមានល្បឿនលឿនជាងមុនដល់ទៅ 50% បើធៀបទៅនឹងបន្ទះឈីប Core i7-10700 របស់ក្រុមហ៊ុន Intel ដូចជានៅក្នុងផ្នែក creativity, productivity និង app performance។ ក្រុមហ៊ុន AMD បាននិយាយទៀតថា ម៉ូឌែលទាំងនេះ គឺមានកម្រិត frame rates ច្រើនជាង 30FPS ៕