យោងតាមព័ត៌មានថ្មីនៅថ្ងៃនេះ បាននិយាយថា ក្រុមហ៊ុន OPPO គ្រោងនឹងបង្ហាញនាឡិកាស៊េរីថ្មី OPPO Band Vitality Edition របស់ខ្លួន នៅថ្ងៃទី 6 ខែឧសភាឆ្នាំ 2021 នេះហើយ ស្របពេលដែលស្មាតហ្វូន K9 series និងកាសស្តាប់ Enco Air ក៏នឹងបង្ហាញខ្លួនជាមួយនឹងផលិតផលថ្មីនេះផងដែរ។ នាឡិកាស៊េរីថ្មីនេះ ត្រូវបានក្រុមហ៊ុន OPPO បញ្ជាក់ថា នឹងមាន 2 ពណ៌សម្រាប់ធ្វើការជ្រើសរើស។
បើមើលទៅលើរូបភាពនេះ បានបង្ហាញថា នាឡិកាស៊េរីថ្មីរបស់ក្រុមហ៊ុនបច្ចេកវិទ្យាយក្សរបស់ចិននេះ នឹងមានការឌីស្សាញជាមួយនឹងពណ៌ទឹកក្រូច និងពណ៌ខៀវ។ នាឡិកា Band Vitality Edition របស់ក្រុមហ៊ុននេះ មានសមត្ថភាព អាចធ្វើការវាស់ទៅលើកម្រិតអុកស៊ីសែននៅក្នុងឈាម ហើយវាអាចធ្វើការទូទាត់ប្រាក់បានតាមរយៈWeChat និង Alipay ថែមទៀតផង។ បន្ថែមពីនេះ នាឡិកានេះ ក៏មានការទ្រទ្រង់ទៅលើមុខងារក្នុងការវាស់ទៅលើចង្វាក់បេះដូង និងអនុញ្ញាតអោយអ្នកប្រើប្រាស់គ្រប់គ្រងទៅលើតន្រ្តីចេញពីស្មាតហ្វូនរបស់ពួកគេផងដែរ។
ប្រភពដដែលនេះ បានបន្តថា នាឡិកានេះ គឺថែមទាំងមានអាវក្រោះការងរពារទឹក ដែលមានសមត្ថភាពអាចប្រើប្រាស់នៅក្រោមទឹកបានជម្រៅ 50 ម៉ែត្រផងដែរ។ មួយវិញទៀទ នាឡិកានះ ក៏មានមុខងារជាច្រើនទៀតផងដែរដូចជាការទ្រទ្រង់ទៅលើ Sport Modes ជាច្រើនថែមទៀតផង។ នាឡិកានេះ មានអេក្រង់ខាងមុខជាប្រភេទ AMOLED។ គួរបញ្ជាក់ថា នេះគ្រាន់តែជាសម្រាប់ព័ត៌មានបឋមប៉ុណ្ណោះ សម្រាប់ព័ត៌មានលម្អិតជាច្រើនទៀតរបស់នាឡិកា Vitality Edition នេះ គឺនៅមិនទាន់ដឹងនៅឡើយទេ៕