ក្រុមហ៊ុន Tencent Games និង Krafton បានប្រកាសអំពីការរៀបចំនូវព្រឹត្តិការណ៍ប្រកួត PUBG Mobile National Championship (PMNC) 2021ជាលើកដំបូងបំផុតនៅក្នុងចក្រភពអង់គ្លេស ហើយក្រុមហ៊ុនដែលជាដៃគូរ នឹងក្លាយជាម្ចាស់ឧបត្ថម្ភធំនៅក្នុងព្រឹត្តិការណ៍ប្រកួតនេះ ត្រូវបានអ្នករៀបចំកម្មវិធីនេះ ប្រកាសចាប់ដៃជាមួយនឹងក្រុមហ៊ុនបច្ចេកវិទ្យាយក្សរបស់ចិនគឺ Xiaomi។
តាមការអោយដឹងថាពីប្រភពនេះ បានបានបន្ថែមថា ព្រឹត្តិការណ៍នេះ គឺមានការរៀបចំចាប់ពីថ្ងៃទី 4 ខែមិថុនាទៅដល់ថ្ងៃទី 8 ខែសីហានេះ ដែលមានក្រុមប្រកួតដែលនៅក្នុងចក្រភពអង់គ្លេសចំនួន 16 ក្រុមដែលនឹងធ្វើការប្រកួតគ្នាជាមួយនឹងប្រាក់រង្វាន់ចំនួន £22,000 GBP ដែលប្រហែលជា $30,000។ បន្ថែមពីនេះ ព្រឹត្តិការណ៍ប្រកួត Tournament នេះគឺចាប់ផ្តើមពីថ្ងៃទី 22 ខែកក្កដាដល់ថ្ងៃទី 8 ខែសីហាខាងមុខនេះផងដែរ។
ក្រុមទាំងនេះ នឹងធ្វើការចុះឈ្មោះ និងប្រកួតអនឡាញនៅក្នុងវគ្គ PMNC Open Qualifier ដែលនឹងធ្វើការប្រកួតចាប់ពីថ្ងៃទី 4 ខែមិថុនាដល់ថ្ងៃទី 11 ខែមិថុនានេះ។ ដើម្បីចូលរួមព្រឹត្តិការណ៍ប្រកួត PUBG Mobile National Championship នៅក្នុងចក្រភពអង់គ្លេសវគ្គ Open Qualifierនោះ ក្រុមប្រកួតត្រូវមានគ្នាយ៉ាងតិចណាស់ 4 នាក់ទៅ 6 នាក់ដែលស្ថិតនៅក្នុងប្រទេសដូចគ្នា។
សម្រាប់អ្នកឈ្នះព្រឹត្តិការណ៍ប្រកួត PBNC UK 2021 Tournament នេះ នឹងឈានទៅកាន់វគ្គ PUBG Mobile Pro League (PMPL) 2021 Western Europe ដែលនឹងធ្វើឡើងនៅក្នុងរដូវស្លឹកឈើជ្រុះនេះ។ ព្រឹត្តិការណ៍ប្រកួត 2021 PMPL នេះគឺមានទឹកប្រាក់សរុបចំនួន 14 លានដុល្លារអាមេរិកហើយមាន 7 តំបន់ដែលមានអាមេរិកខាងជើង ប្រេស៊ីល Latam, CIS ទួរគី អារ៉ាប់ និងអ៊ឺរ៉ុបខាងលិចថែមទៀតផង៕