Xiaomi នឹងផ្តល់ជូន MI MIX Fold ចំនួន 60 គ្រឿង ដោយឥតគិតថ្លៃ គ្រាន់តែទៅកាន់ហាង miHome ហើយធ្វើការស្កេនទៅលើ QR code

ចាប់តាំងពីថ្ងៃទី 1 ខែឧសភាដល់ថ្ងៃទី 5 ខែឧសភានេះ ក្រុមហ៊ុន Xiaomi នឹងផ្តល់ជូននូវស្មាតហ្វូន MIX Fold ជាច្រើនគ្រឿងដោយឥតគិតថ្លៃ។ តាមការបញ្ជាក់របស់ក្រុមហ៊ុននេះ ក្រុមហ៊ុននឹងផ្តល់ជូនស្មាតហ្វូន Xiaomi Mi MIX Fold ចំនួន 12 គ្រឿងជារៀងរាល់ថ្ងៃរយៈពេល 5 ថ្ងៃ។ នេះមានន័យថា ក្រុមហ៊ុននេះ នឹងចែកជូននូវស្មាតហ្វូន Xiaomi MI MIX Fold ចំនួន 60 គ្រឿងដោយឥតគិតថ្លៃ។

អ្នកប្រើប្រាស់គ្រាន់តែទៅកាន់ហាង Xiaomi Home ហើយធ្វើការស្កេនទៅលើ QR code នៅក្នុងហាងនោះដើម្បីធ្វើការចូលរួម។  ការចូលរួមនេះ គឺចាប់ពីម៉ោង 10:00 រហូតដល់ម៉ោង 22:00 ជារៀងរាល់ថ្ងៃចាប់ពីថ្ងៃទី 1 ដល់ថ្ងៃទី 5 ខែឧសភានេះ ហើយស្មាតហ្វូនមួយគ្រឿងនឹងចែកជូនរាល់ម៉ោងផងដែរ។ កាដូនេះ គឺសម្រាប់តែអ្នកប្រើប្រាស់នៅក្នុងប្រទេសចិនប៉ុណ្នោះ ហើយអ្នកត្រូវតែធ្វើការស្កេននៅហាង Mi Home។

តាមការបញ្ជាក់របស់លោក Lu Weibing អ្នកគ្រប់គ្រងរបស់ក្រុមហ៊ុន Redmi បាននិយាយថា ក្រុមហ៊ុន Xiaomi រៀបចំនូវព្រឹត្តិការណ៍នេះដើម្បីអបអរនូវការបង្ហាញនូវឡូហ្គោថ្មីរបស់ក្រុមហ៊ុននេះ។ គាត់អះអាងថានៅក្នុងថ្ងៃឈប់សម្រាកនៅក្នុងខែឧសភានេះ ក្រុមហ៊ុន Xiaomi ទាំងអស់នៅក្នុងប្រទេសចិនគឺធ្វើការចាប់ផ្តើមផ្សព្វផ្សាយអំពីឡូហ្គោថ្មីនេះ។  គាត់មានក្តីសង្ឃឹមថា អ្នកគាំទ្ររបស់ក្រុមហ៊ុន Xiaomi ពិតជាបានឃើញនុវឡូហ្គោថ្មីនេះ និងជួយផ្សព្វផ្សាយផងដែរ។ យើងជឿជាក់ថា ការបង្ហាញនូវឡូហ្គោថ្មីនេះ គឺជាយុទ្ធសាស្រ្តមួយដើម្បីឈ្នះផងដែរ។ បន្ទាប់ពីការស្កេនទៅលើ QR code នៅហាងនេះ អ្នកនឹងឃើញអំពីការណែនាំដើម្បីអោយអ្នកអាចធ្វើការចូលរួមបាន។

Xiaomi Mi MIX Fold គឺជាស្មាតហ្វូនដែលអាចបត់បានដំបូងបំផុតរបស់ក្រុមហ៊ុនបច្ចេកវិទ្យា Xiaomi។ ស្មាតហ្វូននេះគឺជស្មាតហ្វូនដែលមានតម្លៃថោកបំផុតនៅក្នុងចំណោមស្មាតហ្វូនដែលអាចបត់បាន។ សម្រាប់ទំហំ 12GB+256GB គឺមានតម្លៃ 9999 yuan ($1,544)ខណៈពេលដែលទំហំ 12GB + 512GB គឺមានតម្លៃ 10,999 yuan ($1,699) ហើយទំហំ 16GB+512GB គឺមានតម្លៃ 12,999 yuan ($2,008) ៕