ថ្មីៗនេះ ក្រុមហ៊ុន Tecno បានបង្ហាញវត្តមានរបស់ស្មាតហ្វូន Camon 17 នៅក្នុងប្រទេសកេនយ៉ា។ នៅពេលនេះ ក្រុមហ៊ុនផលិតស្មាតហ្វូននេះ ក៏បានពង្រីកនូវវត្តមានរបស់ស្មាតហ្វូននេះទៅកាន់ទីផ្សារតំបន់ផ្សេងៗផងដែរ។ ជាក់ស្តែងនៅពេលនេះក្រុមហ៊ុន Tecno បានប្រកាសចេញនូវស្មាតហ្វូនចំនួន 2 ម៉ូដែលបន្ថែមទៀតនៅក្នុងប្រទេសនីហ្សេរីយ៉ា និងប្រទេសកេនយ៉ា។ ស្មាតហ្វូនទាំងពីនេះ មានឈ្មោះហៅថា Tecno Camon 17P និង Camon 17 Pro។ បើមើលរូបរាងស្មាតហ្វូនទាំងពីរ គឺមិនមានភាពខុសគ្នាច្រើននោះទេ ប៉ុន្តែស្មាតហ្វូន Pro version គឺមានលក្ខណៈពិសេសបន្ថែមផងដែរ។
ស្មាតហ្វូន TECNO CAMON 17P ត្រូវបានក្រុមហ៊ុនតំឡើងមកជាមួយនូវអេក្រង់ 6.8 អ៊ីង IPS LCD មានកម្រិតភាពច្បាស់ FHD+ 1080x2460 pixels និងមានកម្រិតភាពច្បាស់ 395 PPI និងកម្រិតពន្លឺ 500 Nits ព្រមទាំងមានកម្រិតអេក្រង់ 82% ធៀបនឹងតួរខ្លួន។
បើនិយាយអំពីកាមេរ៉ាវិញនោះ ស្មាតហ្វូននេះ គឺមានកាមេរ៉ា 4 គ្រាប់ នៅខាងក្រោយ គឺមានកាមេរ៉ាទំហំ 64MP, 2MP macro, 2MP Depth sensor និង AI lens។ ស្មាតហ្វូន Camon 17P នេះ គឺមិនមានកាមេរ៉ា Ultra-Wide នោះទេ។ ស្មាតហ្វូននេះ មានកាមេរ៉ាខាងមុខទំហំ 16MP Selfie។ ស្មាតហ្វូននេះ មានបន្ទះឈីប Helio G85។ ស្មាតហ្វូន Camon 17P នេះ មានថាមពលថ្មទំហំ 5000mAh និងបច្ចេកវិទ្យាសាកកម្រិត 18W fast charging ផងដែរ។ ស្មាតហ្វូន Camon 17P នេះមានពណ៌ Frost Silver, Magnet Black, Spruce Green ។
ស្មាតហ្វូន Camon 17 Pro វិញ គឺមានអេក្រង់ទំហំ 6.8 អ៊ីង IPS LCD FHD+ ជាមួយនឹងកម្រិតអេក្រង់ 90Hz Higher Refresh Rate។ ស្មាតហ្វូន Camon 17 Pro នេះ គឺមានសេនស័រ Ultra-Wide Sensor។ ស្មាតហ្វូននេះ មានកាមេរ៉ាខាងមុខទំហំដល់ទៅ 48MP។ ស្មាតហ្វូន Camon 17 Pro នេះ គឺមានបន្ទះឈីប Helio G95។ ស្មាតហ្វូននេះ មានថាមពលថ្មទំហំ 5000mAh និងមានការទ្រទ្រង់ជាមួយបច្ចេកវិទ្យាសាក 25W Charging។ នៅលើស្មាតហ្វូននេះ មានភ្ជាប់ជាមួយបច្ចេកវិទ្យា Stereo Speakers។ ស្មាតហ្វូននេះ មានស្បែក HiOS 7.6 ដែលផ្អែកនៅលើប្រព័ន្ធប្រតិបត្តិការ Android 11។ ស្មាតហ្វូននេះមានពណ៌ Dream Silver និង ពណ៌Malibu Blue។
ស្មាតហ្វូន Tecno Camon 17P ទំហំ 6GB-128GB មានតម្លៃ ₦97,000 (~$236)។ ស្មាតហ្វូន Tecno Camon 17 Pro ដែលមានទំហំ 8GB-256GB គឺមានតម្លៃ ₦130,000 (~$317) ៕
