មកដល់ថ្ងៃនេះ ក្រុមហ៊ុន Huawei កំពុងតែប្រឈមមុខទៅនឹងបញ្ហាជាច្រើន ហើយស្មាតហ្វូនរបស់ខ្លួន ក៏បានបន្តបាត់មុខពីការលក់នៅលើទីផ្សារបណ្តើរៗហើយផងដែរ។ មួយរយៈចុងក្រោយនេះ ស្មាតហ្វូនជាច្រើនរបស់ក្រុមហ៊ុននេះ ក៏មិនមានច្រើនដែរនៅតាមទូតាំងរលក់នៅហាងជាច្រើនរបស់ក្រុមហ៊ុន Huawei។ ការបរាជ័យរបស់ក្រុមហ៊ុន Huawei នេះ គឺត្រូវបានគេនិយាយថា ដោយសារតែការដាក់ទណ្ឌកម្មជាច្រើនពីសហរដ្ឋអាមេរិក ដែលធ្វើអោយប៉ះពាល់ដល់ទីផ្សារស្មាតហ្វូនរបស់ក្រុមហ៊ុននេះ និងផលិតផលជាច្រើនទៀតផងដែរ។
បើនិយាយអំពីការដាក់ទណ្ឌកម្មនេះ ពិតជាធ្ងន់ធ្ងរមែនទែន ពីព្រោះថា បន្ទាប់ពីក្រុមហ៊ុន Google បានបញ្ឈប់ការធ្វើការជាមួយនឹងក្រុមហ៊ុន Huawei បានធ្វើអោយក្រុមហ៊ុននេះ រងនូវសម្ពាធជាខ្លាំង ប៉ុន្តែក្រុមហ៊ុននេះ នៅតែបញ្ចេញនូវ version ថ្មីរបស់ Android ដដែល។ នៅពេលនេះ ក្រុមហ៊ុនបច្ចេកវិទ្យាយក្សរបស់ចិន បានទម្លាយថា ខ្លួនអាចដំណើរការបាននូវប្រព័ន្ធប្រតិបត្តិការ ដោយមិនចាំបាច់មាន Google នោះទេ។ ដូចនេះ យើងនឹងឃើញនូវស្មាតហ្វូនជាច្រើន ដែលនឹងដំណើរការនូវប្រព័ន្ធប្រតិបត្តិការ HarmonyOS ផងដែរ។
ក្រុមហ៊ុន Huawei បានប្រកាសតាំងចិត្ត និងបង្ហាញអំពីគម្រោងផែនការជាច្រើនរបស់ខ្លួនក្នុងការផ្ទេរស្មាតហ្វូនជាង 200 លានរបស់ខ្លួនក្នុងប្រើប្រាស់នូវ OS របស់ខ្លួននៅឆ្នាំនេះ។ គម្រោងទាំងនេះ ក៏នឹងមានការដំណើរការនូវប្រព័ន្ធប្រតិបត្តិការ HarmonyOS ចំនួន 100 លានគ្រឿងនៅឆ្នាំនេះផងដែរ។ យើងនៅមិនទាន់ដឹងនោះទេថា តើក្រុមហ៊ុនរបស់ចិន ប៉ុន្មានដែលនឹងប្រើប្រាស់នូវប្រព័ន្ធប្រតិបត្តិការរបស់ក្រុមហ៊ុន Huawei នេះ៕