បើសិនជានិយាយពីការអាប់ដេតថ្មីរបស់ស្មាតហ្វូន Redmi K40 Gaming Edition គឺជារឿងតូចតាចទេសម្រាប់អ្នកប្រើប្រាស់ទូទៅ ប៉ុន្តែសម្រាប់អ្នកប្រើប្រាស់ដែលស្មាតហ្វូននេះនៅប្រទេសចិនពិតជាសំខាន់មែនទែន។ ការអាប់ដេតទៅលើ MIUI ថ្មីនេះ គឺមានលេខកូដ 12.5.5.0RKJCNXM ដែលមានទំហំ 161 MB ដែលស្បែកថ្មីនេះ គឺបាននាំយកនូវការទ្រទ្រង់នូវ Google Play Services Framework មកជាមួយផងដែរ។
តាមរយៈនៃការអាប់ដែតននេះមានន័យថា សម្រាប់អ្នកប្រើប្រាស់ដែលបានទិញស្មាតហ្វូននេះ នៅក្នុងប្រទេសចិន គឺនឹងអាចធ្វើការតម្លើងនូវសេវាកម្ម Google Mobile Services នៅលើស្មាតហ្វូនរបស់ខ្លួបបាន។ រឿងនេះ គឺត្រូវបានគេចាត់ទុកថា គឺពិតជាសំខាន់ខ្លាំណាស់សម្រាប់អ្នកប្រើប្រាស់ ដែលអាចធ្វើការអាប់ដេតនៅលើស្មាតហ្វូន Xiaomi នេះ ដោយវាអាចទ្រទ្រង់នូវ Framework នេះ។
គួរបញ្ជាក់ថា ស្មាតហ្វូន Redmi K40 Gaming Edition បានបង្ហាញខ្លួនកាលពីពេលថ្មីៗនេះ ដែលនេះ គឺជាស្មាតហ្វូនលេងហ្គេមដំបូងបំផុតរបស់ក្រុមហ៊ុននេះផងដែរ។ ស្មាតហ្វូននេះ មានបន្ទះឈីប Dimensity 1200 Processor និងមានអេក្រង់ទំហំ 6.67-inch FHD+ OLED ជាមួយនឹងកម្រិតអេក្រង់ 120Hz refresh rate ។ ស្មាតហ្វូននេះ មានរ៉េមទំហំរហុតដល់ទៅ 12GB RAM និងម៉េមូរីទំហំ 256GB ។
ស្មាតហ្វូន Redmi K40 Gaming Edition នេះ មានកាមេរ៉ា 3 គ្រាប់នៅខាងក្រោយដែលមានទំហំ 64MP, 8MP ultrawide angle និង 2MP macro។ ស្មាតហ្វូននេះ មានកាមេរ៉ាខាងមុខទំហំ 16MP និងបំពាក់នូវឧបករណ៍បំពងសំឡេង JBL Stereo Speakers រួមជាមួយនិងកញ្ចក់ Gorilla Glass 5 ទាំងខាងមុខនិងខាងក្រោយ ហើយព្រមទាំងមានអាវក្រោះការពារ ទឹក IP53 ផងដែរ។ ស្មាតហ្វូននេះ មានថាមពលថ្មទំហំ 5065mAh ជាមួយនឹងការទ្រទ្រង់នូវ 67W fast charging និងប្រព័ន្ធប្រតិបត្តិការ Android 11 ថែមទៀតផង៕
