ខណៈពេលដែលទីផ្សារស្មាតហ្វូនកំពុងតែងើបឡើងវិញក្រោយពេលវិបត្តិនៃការរីករាលដាលនៃមេរោគកូរ៉ូណានោះ ក្រុមហ៊ុនបច្ចេកវិទ្យា Huawei Technologies នៅតែបន្តទទួលរងនូវការដាក់ទណ្ឌកម្មជាច្រើនរបស់សហរដ្ឋអាមេរិកដដែល។ បើទោះបី ជាទីផ្សារពីមួយឆ្នាំទៅមួយឆ្នាំគឺមានការកើនឡើងដល់ទៅ 20% ក៏ដោយនោះ ក្រុមហ៊ុននេះ គឺមានចំណែកទីផ្សារស្មាតហ្វូនចំនួន 4% នៅក្នុងត្រីមាសទី 1 ឆ្នាំ 2021 នេះ។
តាមការបញ្ជាក់នៅក្នុងរបាយការណ៍របស់ Counterpoint Research បានអោយដឹងថា ចំណែកទីផ្សារស្មាតហ្វូន ត្រូវបានគេ មើលឃើញថា គឺមានការកើនឡើង 20% បើធៀបទៅនឹងឆ្នាំមុននេះ នៅក្នុងត្រីមាសទី 1 នៅក្នុងឆ្នាំនេះ បើធៀបនឹងឆ្នាំមុនរយៈពេលដូចគ្នា គឺមានការធ្លាក់ចុះ 10%។ តួរលេខនៃការនាំចេញស្មាតហ្វូនសរុបនៅក្នុងរយៈពេលនេះ គឺមានចំនួន 354.94 លានគ្រឿង។ នៅក្នុងត្រីមាសទី 1 នេះ ក្រុមហ៊ុន Samsung នាំមុខទីផ្សារនេះ ជាមួយនឹងចំណែកទីផ្សារចំនួន 22% ដែលមានពីក្រោយដោយក្រុមហ៊ុន Apple 17%, Xiaomi 14%, OPPO 11%, vivo 10% និង Huawei 4%។
របាយការណ៍ដដែលនេះ មានការបន្ថែមថា ទីផ្សារស្មាតហ្វូននៅក្នុងប្រទេសឥណ្ឌា គឺមានការធ្លាក់ចុះនៅក្នុងត្រីមាសទី 2 នេះ ទោះបីជាក្រុមហ៊ុន Xiaomi មើលឃើញថាវាមានការកើនឡើង 8% បើធៀបទៅនឹងឆ្នាំមុននេះដែលមានចំនែកទីផ្សារចំនួន 26% នោះ។ ស្រដៀងគ្នានេះផងដែរ ក្រុមហ៊ុនផលិតស្មាតហ្វូនជាច្រើន ក៏ឃើញមានការកើនឡើងខ្លាំងនៅក្នុងទីផ្សាររបស់អ៊ឺរ៉ុប ខណៈពេលដែលក្រុមហ៊ុន Apple មានការធ្លាក់ចុះវិញ។ ក្រុមហ៊ុន Huawei ក៏មានការធ្លាក់ចុះខ្លាំងផងដែរ។ សូមជំរាបថា ប្រតិបត្តិការស្មាតហ្វូនជាច្រើនរបស់ក្រុមហ៊ុននេះ គឺស្ថិតនៅក្រោមការដាក់ទណ្ឌកម្មជាច្រើនពីសហរដ្ឋអាមេរិក ហើយក្រុមហ៊ុននេះ ក៏មិនអាចធ្វើការជាមួយនឹងក្រុមហ៊ុន TSMC បានផងដែរ។ បន្ថែមពីនេះទៀតនោះ ក្រុមហ៊ុនបច្ចេកវិទ្យានេះ ក៏បានលក់នូវក្រុមហ៊ុន Honor និងងាកទៅផ្តោតទៅលើឧស្សាហកម្មរថយន្ត និងបច្ចេកវិទ្យាក្លោដផងដែរ៕
