យោងតាមដំណឹងចុងក្រោយ បានបញ្ជាក់ថា ស្មាតហ្វូន Samsung Galaxy S21 FE (Fan Edition) នឹងបង្ហាញខ្លួននៅក្នុងឆ្នាំនេះហើយស្មាតហ្វូននេះ នឹងមានលក្ខណៈសម្បត្តិជាច្រើនដូចគ្នាទៅនឹងស្មាតហ្វូន Galaxy S21 Series អញ្ចឹងដែលដែលមានន័យថា ស្មាតហ្វូននេះ គឺមានបន្ទះឈីប Qualcomm Snapdragon 888 SoC។ ស្មាតហ្វូននេះ នឹងមានរូបរាងផ្សេងគ្នា។ ថ្មីៗនេះ ស្មាតហ្វូន Samsung Galaxy S21 FE ក៏បានបង្ហាញខ្លួននៅលើ Database របស់ GeekBench ផងដែរ ដោយនៅលើ Screenshots នេះ គឺបានបង្ហាញ ស្មាតហ្វូននេះ មានលេខកូដ SM-G990B ដំណើរការលើបន្ទះឈីប Qualcomm Snapdragon 888 នេះប្រើប្រាស់នូវ 1+3+4 core ដែលមានល្បឿនដល់ទៅ 2.84GHz និងមានរ៉េមទំហំ 8GB និងប្រព័ន្ធប្រតិបត្តិការ Android 11។
ស្មាតហ្វូន Samsung Galaxy S21 FE នេះ ក៏នឹងមានរ៉េមប្រភេទ 6GB RAM version ផងដែរ។ សម្រាប់ទំហំ Storage វិញនោះ ស្មាតហ្វូននេះមានទំហំ 128GB និង 256GB ។ នៅក្នុងរបាយការណ៍ជាច្រើន កន្លងមក គឺមានការបបង្ហាញថា ស្មាតហ្វូននេះមានអេក្រង់ទំហំ 6.41-inch Super AMOLED ជាមួយនឹងកម្រិត 120Hz refresh rate និងថាមពលថ្មទំហំ 4500 mAh ។ របាយការណ៍ជាច្រើននិយាយថា ស្មាតហ្វូននេះមានការទ្រទ្រង់ទៅលើបច្ចេកវិទ្យា 25W fast charging ផងដែរ។ ស្មាតហ្វូននះមានកាមេរ៉ា 3 គ្រាប់។
កាលពីប៉ុន្មានសប្តាហ៍មុននេះ មានពាក្យចចាមអារ៉ាមជាច្រើនបាននិយាយអំពីស្មាតហ្វូន Samsung Galaxy S21 FE (fan edition) ដោយបញ្ជាក់ថា ស្មាតហ្វូននេះ គឺនឹងមានលក្ខណៈដូចទៅនឹងស្មាតហ្វូន Flagship ផងដែរ ដោយផ្នែកខាងមុខគឺដូចគ្នាជាមួយនិង Note series ហើយកាមេរ៉ាខាងក្រោយរបស់ស្មាតហ្វូននេះ គឺដូចគ្នាទៅនឹងស្មាតហ្វូន S21 series។ នៅក្នុងការទម្លាយចេញពី Korean Herald ក៏បានបង្ហាញពីតម្លៃរបស់ស្មាតហ្វូននេះដែរ គឺនៅចន្លោះ 700,000 won ($629) និង800,000 won ($719)។ ដូចនេះ ស្មាតហ្វូនGalaxy S21 FE នេះគឺមានតម្លៃថោកជាងស្មាតហ្វូន Galaxy S20 ដែលមានតម្លៃ 899,800 won ($809)។
ដូចអ្វីដែលយើងបានដឹងហើយនោះ សម្រាប់ “fan version” របស់ក្រុមហ៊ុន Samsung នេះ គឺជាប្រភេទស្មាតហ្វូន “semi-flagship” ។ ក្រុមហ៊ុន Samsung បានបញ្ចេញនូវស្មាតហ្វូន “Galaxy S20 FE” version នៅក្នុងត្រកូលស្មាតហ្វូន S series ជាលើកដំបូងកាលពីឆ្នាំមុននេះ។ ស្មាតហ្វូន Galaxy S20 FE នេះគឺមានការពេញនិយមខ្លាំងមែនទែននៅក្នុងអាមេរិកខាងជើង និងអាស៊ីអាគ្នេយ៍។ ការលក់ជាសកលរបស់ស្មាតហ្វូននេះគឺមានចំនួន 2 លានគ្រឿងនៅក្នុងពេលត្រឹមតែ 1 ខែប៉ុណ្ណោះ៕
