មកដល់ពេលនេះ ក្រុមហ៊ុន Huawei បាននឹងកំពុងតែធ្វើការនៅលើប្រព័ន្ធប្រតិបត្តិការ HarmonyOS របស់ខ្លួនយ៉ាងខ្លាំងសម្រាប់ដាក់អោយក្រុមហ៊ុននានានៅក្នុងទីផ្សាររបស់ប្រទេសចិនបានប្រើប្រាស់។ ប្រព័ន្ធប្រតិបត្តិការនេះ គឺមានលក្ខណៈដូចគ្នាទៅនឹងប្រព័ន្ធប្រតិបត្តិការ Android អញឹងដែរ។ មានការព្យាករណ៍ថា ភាពជោគជ័យនៃប្រព័ន្ធប្រតិបត្តិការ HarmonyOS នេះ អាចធ្វើទៅបានគឺមិនមែនតែ Huawei មួយនោះទេ គឺពឹងផ្អែកទៅលើកិច្ចសហប្រតិបត្តិការរបស់ក្រុមហ៊ុន Huawei ជាមួយនឹងក្រុមហ៊ុនម៉ាកយីហោជាច្រើនទៀតផងដែរ។
មកដល់ពេលនេះ មានក្រុមហ៊ុនបច្ចេកវិទ្យាចិនមួយដែលមានទំនាក់ទំនងយ៉ាងស្និទ្ធិជាមួយនឹង Huawei នោះ គឺចាប់ផ្តើមប្រើប្រាសប្រព័ន្ធប្រតិបត្តិការ HarmonyOS ហើយ នោះគឺក្រុមហ៊ុន Midea Group។ ថ្មីៗនេះ ក៏មានអ្នកវិនិយោគបានសួរទៅកាន់នាយកប្រតិបត្តិជាច្រើនរបស់ក្រុមហ៊ុន Midea ថា ក្រុមហ៊ុននឹងទ្រទ្រង់នូវប្រព័ន្ធប្រតិបត្តិការ HarmonyOS នៅក្នុងពេលអនាគតផងដែរ។ ក្រុមហ៊ុន Midea Group បានធ្វើការឆ្លើយតបថា ក្រុមហ៊ុន Midea និង HarmonyOS គឺធ្វើការសហការគ្នាហើយ។
កាលពីចុងខែធ្នូឆ្នាំ 2020 កន្លងទៅនេះ ក្រុមហ៊ុន Media ក៏បានផ្តល់អោយអ្នកប្រើប្រាស់នូវសេវាកម្មបន្ថែមទៀត សម្រាប់អ្នកប្រើប្រាស់ផងដែរ។ នៅក្នុងការបញ្ជាក់របស់ក្រុមហ៊ុននេះ គឺមានន័យថា ប្រព័ន្ធប្រតិបត្តិការ HarmonyOS អាចប្រើប្រាស់នៅលើផលិតផលចំនួន 7 ផ្សេងៗគ្នារបស់ក្រុមហ៊ុននេះហើយ។ ក្រុមហ៊ុន Media បានទម្លាយថា និងមានផលិតផលចំនួន 12ដែលប្រើប្រាស់ជាមួយនឹងប្រព័ន្ធប្រតិបត្តិការ HarmonyOS របស់ក្រុមហ៊ុន Huawei នេះ។
ក្រុមហ៊ុន Midea Group បានអះអាងថា អ្នកប្រើប្រាស់ជាច្រើនអាចបញ្ជាទៅលើផលិតផលជាច្រើននៅក្នុងផ្ទះរបស់ក្រុមហ៊ុន Media នៅក្នុងពេលត្រឹមតែ 3 វិនាទីប៉ុណ្ណោះតាមរយៈស្មាតហ្វូនជាមួយនឹងប្រព័ន្ធប្រតិបត្តិការHarmonyOS នេះ។ ផលិត ផលទាំងអស់នេះគឺមានម៉ាស៊ីនលាងចាន ម៉ាស៊ីនទឹកក្តៅ ម៉ាស៊ីនបន្សុទ្ធទឹក និងចង្ក្រានឆ្លាតវៃថែមទៀត ដែលអាចគ្រប់គ្រងដោយប្រព័ន្ធប្រតិបត្តិការ HarmonyOS ផងដែរ។ អ្វីដែលគួរអោយចាប់អារម្មណ៍ទៀតនោះ ទូរទឹកកកដំបូងបំផុតរបស់ពិភពលោក ដែលមានប្រើប្រាស់នូវប្រព័ន្ធប្រតិបត្តិការ HarmonyOS នេះ គឺជាទូរទឹកកក Media ។ ទូរទឹកកកនេះ ក៏អាចធ្វើការថែរក្សានូវជីវជាតិទៅលើអាហារ និងបន្លែថែមទៀត។ នៅក្នុងនោះ ក៏មានមុខងារក្នុងការគ្រប់គ្រងទៅលើសំណើមនៅលើម្ហូបអាហារផងដែរ៕
