រយៈពេលបីឆ្នាំមកនេះ ក្រុមហ៊ុន realme បានបង្ហាញនូវស្មាតហ្វូនថ្មីៗជាច្រើនហើយមកដល់ថ្ងៃនេះ ក្រុមហ៊ុនស្មាតហ្វូនដែលកំពុងតែមានការរីកចំរើនមួយនេះ បានពង្រីកនូវវត្តមាននៃផលិតផលជាច្រើនប្រភេទផងដែរ។ នៅពេលនេះ លោក Wang Derek ដែលជាអនុប្រធានរបស់ស្មាតហ្វូនក្រុមហ៊ុន realme និងជាប្រធានផ្នែកផលិតផលសកល បានប្រកាសថា ក្រុមហ៊ុននេះ ក៏បានធ្វើការនៅលើស្មាតហ្វូនថ្មីដែលមានពណ៌សយ៉ាងទាក់ទាញបំផុតមិនធ្លាប់មានពីមុនមកនោះទេ។
ក្រៅពីនេះ គាត់មិនបានទម្លាយនូវព័ត៌មានអ្វីថ្មីទៀតអំពីផលិតផលនេះទេ។ ប៉ុន្តែគាត់បាននិយាយថា ព័ត៌មានជាច្រើនទៀតរបស់ស្មាតហ្វូននេះ នឹងទម្លាយនៅក្នុងពេលខាងមុខឆាប់ៗនេះ។ ថ្មីៗនេះ ស្មាតហ្វូន realme ដែលមានលេខម៉ូឌែល RMX3366 ក៏បានប្រទះឃើញនៅលើវេបសាយ TENAA។ យ៉ាងណាមិញ នៅមិនទាន់មានការបញ្ជាក់ថា នេះគឺជាស្មាតហ្វូនដែលលោក Wang Derek ចង់សំដៅទៅលើវានោះទេ។
រូបភាពជាច្រើននៅលើបញ្ជីរបស់ TENAA នេះ មានការបង្ហាញថា ស្មាតហ្វូននេះ មានកាមេរ៉ា 3 គ្រាប់ នៅខាងក្រោយជាមួយនឹងការឌីស្សាញបញ្ឈរយ៉ាងស្រស់ស្អាត។ ស្មាតហ្វូននេះ មានអេក្រង់ទំហំ 6.55-inch OLED និងថាមពលថ្មទំហំ 4,400mAh និងបច្ចេកវិទ្យាបច្ចេកវិទ្យាសាកថ្ម 65W fast charging ថែមទៀតផង។ បច្ចុប្បន្ននេះ ស្មាតហ្វូន realme GT 5G គឺជាស្មាតហ្វូន Flagship របស់ក្រុមហ៊ុននេះ ដែលមានអេក្រង់ទំហំ 6.3-inch OLED ជាមួយនឹងកម្រិតអេក្រង់ 120Hz refresh rate និងបន្ទះឈីប Qualcomm’s flagship Snapdragon 888 SoC។ ស្មាតហ្វូននេះ នឹងមានថាមពលថ្មទំហំ 4,500mAh និងបច្ចេកវិទ្យា 65W fast charging ថែមទៀតផង៕