នៅពេលនេះ ការបង្ហាញវត្តមានរបស់ស្មាតហ្វូន Samsung galaxy S21 FE អាចនឹងត្រូវវលប់ចោលហើយ ដែលនេះគឺ ជា ដំណឹងអាក្រក់សម្រាប់ស្មាតហ្វូននេះបន្ទាប់ពីមានព័ត៌មានជាច្រើនបានធ្វើការបញ្ចេញនូវរបាយការណ៌អស់ជាច្រើនាពេលកន្លងមក។ បើតាមការបញ្ជាក់នៅក្នុងរបាយការណ៍មួយចេញពី ETNews គឺបាននិយាយថា ក្រុមហ៊ុនបច្ចេកវិទ្យានេះបានសម្រេចចិត្តក្នុងការបោះបង់ចោលនូវគម្រោងនេះ មូលហេតុដោយសារតែបញ្ហាកង្វះទៅលើបន្ទះឈីប។
បញ្ហាជាច្រើននៃការផលិតទៅលើស្មាតហ្វូនSamsung Galaxy S21 FE នេះ គឺដោយសារតែដៃគូរជាច្រើនរបស់ក្រុមហ៊ុននេះ។ ក្រុមហ៊ុន Samsung បានសួរទៅកាន់ក្រុមហ៊ុនផ្គត់ផ្គង់ជាច្រើនរបស់ខ្លួនអោយធ្វើការរាយការណ៍អំពីចំនួនសមាសភាគជាច្រើនដែលបានធ្វើការផលិតរួច ខណៈពេលដែលក្រុមហ៊ុននេះ ក៏បានផ្អាកក្នុងការបញ្ជាទិញទៅលើសមាសភាគជាច្រើនសម្រាប់ស្មាតហ្វូននេះផងដែរ។ ក្រុមហ៊ុនដៃគូរបស់ Samsung ជឿជាក់ថា ទង្វើររបស់ក្រុមហ៊ុននេះបានបង្ហាញថាក្រុមហ៊ុននេះបានបោះបង់ចោលនូវការបញ្ចេញនូវស្មាតហ្វូន Galaxy S21 FE ហើយ។
គួរបញ្ជាក់ផងដែរថា ស្មាតហ្វូននេះ គឺមានបន្ទះឈីប Snapdragon 888 ដែលដូចគ្នាទៅនឹងស្មាតហ្វូន Galaxy Z Fold 3 និង Galaxy Z Flip 3 ។កង្វះទៅលើបន្ទះឈីបបង្ខំអោយក្រុមហ៊ុននេះបោះបង់ចោលនូវគម្រោងរបស់ខ្លួន។ នៅក្នុងប្រភពឧស្សាហកម្មជាច្រើននោះ ការបោះបង់ចោលនូវស្មាតហ្វូន Galaxy S21 FE អាចនឹងជួយអោយការផលិតស្មាតហ្វូនដែលអាចបត់បានដំណើរការបានយ៉ាងរលូន៕
