យោងតាមព័ត៌មានថ្មី បាននិយាយថា ស្មាតហ្វូន Samsung Galaxy Z Fold3 ត្រូវបានគេរាយការណ៍ថា គឺបានធ្វើការផលិតទ្រង់ទ្រាយធំហើយកាលពីសប្តាហ៍មុននេះ ហើយពេលនេះ ក៏មានពាក្យចចាមអារ៉ាមថា ស្មាតហ្វូននេះ នឹងបង្ហាញខ្លួននៅក្នុងខែកក្កដានេះ ប៉ុន្តរបាយការណ៍ថ្មី ដែលចេញផ្សាយនៅថ្ងៃនេះ បានអះអាងថា ស្មាតហ្វូននេះ នឹងបង្ហាញខ្លួនជាផ្លូវការនៅថ្ងៃទី 27 ខែសីហានេះជាមួយនឹងស្មាតហ្វូន Galaxy Z Flip3 ផងដែរ។
យោងតាមការទម្លាយចេញពី Jon Prosser បានអះអាងថា ក្រុមហ៊ុន Samsung នឹងប្រកាសបង្ហាញនូវស្មាតវ៉ច Galaxy Watch4 និង Watch Active4 មុនស្មាតហ្វូនទាំងពីរនេះនោះ គឺនៅថ្ងៃទី 11 ខែសីហានេះ ប៉ុន្តែមិនទាន់មានការបង្ហាញអំពីកាលបរិច្ឆេទផ្លូវការថា នៅពេលដែលក្រុមហ៊ុន Samsung នឹងចាប់ផ្តើមដឹកជញ្ជូននូវផលិតផលនេះ ទៅកាន់អតិថិជនជាច្រើនរបស់ខ្លួននោះទេ។
ខណៈពេលដែលវាមិនទាន់មានការនិយាយអ្វីអំពីក្រុមហ៊ុន Samsung អំពីផលិតផលទាំងនេះ លោក Max Weinbach ដែលដែលជាអ្នកទម្លាយព័ត៌មានមកពីស្ថាប័ន Android Police បានធ្វើការបង្ហោះថា ក្រុមហ៊ុន Samsung នឹងប្រកាសចេញនូវស្មាតហ្វូន Galaxy Z Fold3, Galaxy Z Flip3, Galaxy Watch4 និង Galaxy Watch Active4 នៅថ្ងៃទី 3 ខែសីហាខាងមុខនេះហើយ។ សូមជំរាបថា កាលពីខែមីនាកន្លងទៅនេះ អ្នកទម្លាយព័ត៌មាន Ice universe បាននិយាយថា ស្មាតវ៉ច Galaxy Watch4 និងGalaxy Watch Active4 នឹងបង្ហាញខ្លួននៅក្នុងត្រីមាសទី 2 ឆ្នាំ 2021 នេះ ដែលមានន័យថា នេះគឺជាពេលមួយនៅចន្លោះខែមេសា និងខែមិថុនានេះ ប៉ុន្តែរឿងនេះ មិនបានកើតឡើងនោះទេ៕
