យោងតាមព័ត៌មានកន្លងមកបាននិយាយថា នៅថ្ងៃទី 16 ខែមិថុនាខាងមុខនេះ ក្រុមហ៊ុន Honor នឹងបង្ហាញចេញនូវស្មាតហ្វូនត្រកូល Honor 50 series របស់ខ្លួនហើយ។ នៅថ្ងៃនេះយោងតាមការទម្លាយចេញពី Ishan Agarwal នៅលើ 91mobiles គឺបានបង្ហញចេញនូវលក្ខណៈសម្បត្តិជាច្រើនរបស់ស្មាតហ្វូនត្រកូល Honor 50 នេះផងដែរ។ ការបែកធ្លាយនេះមិនមានការនិយាយអំពីបន្ទះឈីប Snapdragon 888 ដែលនឹងប្រើប្រាស់នៅលើស្មាតហ្វូន Honor 50 Pro+ នោះទេ ប៉ុន្តែព័ត៌មាននេះហាក់ដូចជាចង់បញ្ជាក់ថា ក្រុមហ៊ុននេះ នឹងមិនទាន់បង្ហាញស្មាតហ្វូននេះនៅថ្ងៃទី 16 ខែមិថុនានេះទេ។
លក្ខណៈសម្បត្តិរបស់ស្មាតហ្វូន Honor 50 5G និង Honor 50 Pro 5G
នៅក្នុងការបែកធ្លាយថ្មីនេះ បានទម្លាយថា ស្មាតហ្វូន Honor 50 5G មានអេក្រង់ទំហំ 6.57-inch OLED FHD+ ជាមួយនឹងកាមេរ៉ាខាងមុខទំហំ 32-megapixel។ ស្មាតហ្វូន Honor 50 Pro នេះ មានអេក្រង់ទំហំ 6.72-inch OLED FHD+ ជាមួយនឹងកាមេរ៉ាភ្លោះខាងមុខទំហំ 32-megapixel + 12-megapixel dual selfie ។ ស្មាតហ្វូន Honor 50 មានវិមាត្រ 159.96 x 73.76 x 7.78mm និងទម្ងន់ 175g ខណៈពេលដែលស្មាតហ្វូន Honor 50 Pro 5G មានវិមាត្រ 163.46 x 74.66 x 8.05mm និងទម្ងន់ 187 g ។
ស្មាតហ្វូន Honor 50 និង 50 Pro នឹងប្រើប្រាស់នូវបន្ទះឈីប Snapdragon 778G SoC ។ស្មាតហ្វូន Honor 50 នេះមានថាមពលថ្មទំហំ 4,300mAh ដែលមានបច្ចេកវិទ្យា 66W rapid charging ខណៈពេលដែលម៉ូឌែល Pro គឺមានថាមពលថ្មទំហំ 4,000mAh ជាមួយនឹងបច្ចេកវិទ្យា 100W fast charge ផងដែរ។ នៅក្នុងការបែកធ្លាយនេះ វាចំណាយពេលត្រឹមតែ 25 នាទីប៉ុណ្ណោះក្នុងការសាកថ្មពេញនៅលើម៉ូឌែល Pro នេះ។ ស្មាតហ្វូនទាំង 2 នេះ គឺមានកាមេរ៉ា 4 គ្រាប់នៅខាងក្រោយដែលមានកកាមេរ៉ាទំហំ 108-megapixel main lens, 8-megapixel ultrawide lens, 2-megapixel macro និង 2-megapixel depth sensor ថែមទៀតផង។
លក្ខណៈសម្បត្តិរបស់ស្មាតហ្វូន Honor 50 SE 5G
ស្មាតហ្វូន Honor 50 SE នេះមានអេក្រង់ទំហំ 6.78-inch LCD FHD+ ជាមួយនឹងកាមេរ៉ាខាងមុខទំហំ 16-megapixel ។ ស្មាតហ្វូននេះមានកាមេរ៉ាខាងក្រោយទំហំ 100-megapixel main camera, 8-megapixel ultrawide lens និង 2-megapixel macro ។ ស្មាតហ្វូននេះមានបន្ទះឈីប Dimensity 900 chip និងថាមពលថ្មទំហំ 4,000mAh ដែលមានការទ្រទ្រង់ទៅលើបច្ចេកវិទ្យា 66W rapid charging ។ ស្មាតហ្វូន Honor 50 នេះមានស្បែក Magic UI 4.2 និងប្រព័ន្ធប្រតិបត្តិការ Android 11 OS ផងដែរ៕
