កាលពីខែមករាកន្លងទៅនេះ ក្រុមហ៊ុន Samsung ទើបតែបង្ហាញចេញនូវស្មាតហ្វូនជំនាន់ថ្មីនៃត្រកូល Galaxy S21 Series របស់ខ្លួន ដែលគិតមកដល់ពេលនេះគឺមានរយៈពេលទើបតែ 5 ខែប៉ុណ្ណោះ ចាប់តាំងពីការប្រកាសជាផ្លូវការរបស់ស្មាតហ្វូននេះ។ ថ្មីៗនេះ មានការលើកឡើងថា ស្មាតហ្វូនជំនាន់ថ្មីនៃត្រកូល S-Series នេះ នឹងបង្ហាញវត្តមានឆាប់នេះផងដែរ។ ស្របពេលដែលព័ត៌មានលម្អិតរបស់ស្មាតហ្វូន Galaxy S22 Series ក៏ចាប់ផ្តើមទម្លាយនៅលើអ៊ីនធឺរណិតដូចគ្នា។ តាមការបញ្ជាក់របស់ប្រភពជាច្រើន បានបង្ហាញថា កំពូលស្មាតហ្វូននៃត្រកូល Samsung Galaxy S series ជំនាន់ថ្មីនេះ នឹងមានអេក្រង់តូចជាងស្មាតហ្វូនជំនាន់មុននេះ។
ខាងក្រោមនេះ គឺជាទំហំអេក្រង់របស់ស្មាតហ្វូនទាំងនេះ៖
Galaxy S22 មានអេក្រង់ទំហំ 6.06 អ៊ីង និង 6.1 អ៊ីង
Galaxy S22+ 6.55 មានអេក្រង់ទំហំ អ៊ីង និង 6.66 អ៊ីង
Galaxy S22 Ultra មានអេក្រង់ទំហំ 6.80 អ៊ីង និង 6.81 អ៊ីង
ដូចអ្វីដែលអ្នកអាចមើលឃើញនេះ ស្មាតហ្វូន Galaxy S22 series នេះ នឹងមានអេក្រង់តូចជាងស្មាតហ្វូនជំនាន់មុននេះ។ បើធ្វើការប្រៀបធៀបនោះ ស្មាតហ្វូន Galaxy S21 និង Galaxy S21+ នឹងមានអេក្រង់ទំហំ 6.2 អ៊ីង និង 6.7 អ៊ីង។ ស្មាតហ្វូន Galaxy S22 Ultra នេះ នឹងមានអេក្រង់ទំហំ 6.8 អ៊ីង ដូចទៅនឹងស្មាតហ្វូន Galaxy S21 Ultra ផងដែរ។ បន្ថែមពីនេះទៀតនោះ កម្រិតភាពច្បាស់នៃអេក្រង់របស់ស្មាតហ្វូននេះនៅមិនទាន់ដឹងនៅឡើយទេ។ ប៉ុន្តែស្មាតហ្វូនប្រហែលជាដូចទៅនឹងម៉ូឌែលជំនាន់មុននេះផងដែរ។ ស្មាតហ្វូន Ultra នឹងមានកម្រិតអេក្រង់ WQHD+ ខណៈពេលដែលម៉ូឌែល Plus គឹមានកម្រិតភាពច្បាស់ត្រឹមតែ FHD+៕