បន្ទាប់ពីការប្រកាសចេញនូវកម្មវិធី Huawei Video មក នៅថ្ងៃនេះ ក្រុមហ៊ុន Huawei បានចេញរបាយការណ៍របស់ខ្លួនថា កម្មវិធី Huawei Video នេះ គឺអាចដំណើរការប្រើប្រាស់បានសម្រាប់អ្នកប្រើប្រាស់ជាង 60 ប្រទេសហើយ។ កម្មវិធីនេះដំណើរការនៅលើ Huawei Smart Screens នៅក្នុងប្រទេសម៉ាឡេស៊ី អារ៉ាប៊ីសាអូឌីត ហ្វីលីពីន រួមជាមួយនិងប្រទេសជាច្រើនទៀត។ កម្មវិធីនេះ គឺមាន Content ល្អៗ ជាច្រើននៅក្នុងការប្រើប្រាស់ថែមទៀត។
Huawei Video App នេះ គឺជាកម្មវិធី Default Video Play នៅលើស្មាតហ្វូនទាំងអស់របស់ក្រុមហ៊ុន Huawei និង Honor ផងដែរ។ កម្មវិធីនេះ អាចប្រើប្រាស់សម្រាប់ចាក់វីដេអូជាច្រើន ដែលមានច្រើន Formats ហើយអាចធ្វើការគ្រប់គ្រងទៅលើល្បឿន Playback, Slow Motion និងជាច្រើនទៀត។ ក្រុមហ៊ុននេះ ក៏មានការផ្តល់នូវ Huawei Cloud + Huawei Terminal Cloud សម្រាប់អ្នកប្រើប្រាស់ជាច្រើននៅជុំវិញពិភពលោក។
នៅខែនេះ លោក Zhang Pingan ដែលជាអគ្គនាយករបស់ក្រុមហ៊ុន Huawei នាយកប្រតិបត្តិរបស់ក្រុមហ៊ុន Huawei Cloud និងប្រធានផ្នែកសេវាកម្ម Consumer Cloud Services អះអាងថា កម្មវិធី Video App នេះគឺមានខ្សែភាពយន្ត និងកម្មវិធី content ទូរទស្សន៍ជាង 50,000 ម៉ោង។ គាត់បាននិយាយថា វីដេអូខ្លីរបស់ចិនជាង 10 លានក៏មានអ្នកប្រើប្រាស់ជាង 230 លាននាក់នៅជុំវិញពិភពលោកផងដែរ។ នៅក្នុងពេលនេះ កម្មវិធី Huawei Video នេះសហការជាមួយនឹង TV channel Clubbing TV ដែលដំណើរការជាង 60 ប្រភេទនៅក្នុងអ៊ឺរ៉ុប អាស៊ីប៉ាស៊ីហ្វិក មជ្ឈឹមបូព៌ា អាហ្វ្រិក និងអាមេរិកឡាទីន៕
