ក្រុមហ៊ុន Nikon Corp នឹងបញ្ចប់នូវការផលិតទៅលើកាមេរ៉ារបស់ខ្លួននៅក្នុងប្រទេសជប៉ុននៅចុងឆ្នាំនេះ។ ដំណឹងនេះ គឺចំពេលដែលក្រុមហ៊ុនផលិតកាមេរ៉ាដ៏ធំមួយនេះ មើលឃើញពីការលក់ធ្លាក់ចុះរបស់ខ្លួន ដោយសារតែពេលនេះស្មាតហ្វូនជាច្រើនមានការពង្រឹងទៅលើកាមេរ៉ារបស់ខ្លួនមិនធម្មតាទេ។ ទាក់ទងនឹងដំណឹងនេះ ក៏មានការបញ្ជាក់បន្ថែមថា ក្រុមហ៊ុនផលិតកាមេរ៉ាស្មាតហ្វូននេះ ក៏នឹងធ្វើការផ្លាស់ប្តូរទៅលើខ្សែសង្វាក់នៃការផលិតនេះ ពីរោងចក្ររបស់ខ្លួននៅក្នុងតំបន់ Miyagi Prefecture ផងដែរ។
ការផលិតតួខ្លួនកាមេរ៉ារបស់ក្រុមហ៊ុននេះ ត្រូវបានគេបញ្ជាក់ថា នឹងមានការផ្លាស់ប្តូរពីការផលិតកាមេរ៉ានៅក្នុងតំបន់នេះទៅកាន់រោងចក្រដ៏ធំមួយនៅក្នុងប្រទេសថៃ។ យោងតាមខ្លឹមសារនៅក្នុងការប្រកាសរបស់ក្រុមហ៊ុននេះ គឺមានការបញ្ជាក់ថា ការផលិតទៅលើផលិតផលទាំងអស់នេះ គឺនៅតែល្អ បើទោះបីជាវាផលិតនៅបរទេសក៏ដោយ។ សូមជំរាបថា ក្រុមហ៊ុន Nikon បាននាំមុខគេនៅលើឧស្សាហកម្មកាមេរ៉ា ចាប់ត់ាំងពីការបង្ហាញនូវកាមេរ៉ាដំបូងបំផុតនៅក្នុងឆ្នាំ 1948។ ប៉ុន្តែចាប់តាំងពីពេលនោះមក ក្រុមហ៊ុននេះ បានខិតខំយ៉ាងខ្លាំងនៅក្នុងការប្រកួតប្រជែងនៅលើទីផ្សារ។
ប្រភពដដែលបានបន្ថែមថា ក្រុមហ៊ុនផលិតកាមេរ៉ាមួយនេះ គឺនឹងរក្សានូវការងារផលិតកាមេរ៉ានៅក្នុងរោងចក្រដដែល ហើយខ្លួន នឹងពង្រីកវិសសាលភាពការងារទៅក្នុងផ្នែកជាច្រើនទៀតដូចជា ផ្នែកសុខភាព និងផ្នែកសេនស័រផងដែរ។ ស្រដៀងគ្នាផងដែរ ក្រុមហ៊ុនផលិតកាមេរ៉ានេះ ក៏មានគម្រោងក្នុងការបិទនូវរោងចក្ររបស់ខ្លួនចំនួនពីរនៅក្នុងទីក្រុង Yamagata និង Fukushima ផងដែរ។ រោងចក្រទាំងពីរនេះ គឺមានតួនាទីក្នុងការដកចេញនូវ lens ចេញពីកាមេរ៉ាឌីជីថលនេះ៕