ក្រុមហ៊ុន LG Energy Solution បាននិយាយថា ខ្លួនកំពុងចរចាទិញយកចំនែកភាគហ៊ុនប្រមាណ 7.5% ពីក្រុមហ៊ុន Queensland Pacific Metals របស់ប្រទេសអូស្រ្តាលីដែលគិតជាសាច់ប្រាក់មានចំនួនប្រមាណ 12 ពាន់ លានកូរ៉េវ៉ុន។ ក្រុមហ៊ុនផលិតអាគុយអគ្គិសនីរថយន្តរបស់កូរ៉េខាងត្បូងមួយនេះបាននិយាយថា ខ្លួនបានចុះហត្ថលេខាលើកិច្ចព្រមព្រៀងរយៈពេល 10 ឆ្នាំ ក្នុងការទិញយកសារធាតុនីកែលចំនួន 7,000 តោន និងនីកូទីនចំនួន 700 តោនក្នុងមួយឆ្នាំពីរោងចក្រ Australian metal smelter ។ ក្រុមហ៊ុន Queensland Pacific Metals គ្រោងផលិតចេញនូវសារធាតនីកែលស៊ុលហ្វាត និងនីកែលកូប៊ែដ សម្រាប់ប្រើក្នុងវិស័យអាគុយរថយន្តអគ្គិសនីដែលនឹងចាប់ផ្តើមនៅពាក់កណ្តាលឆ្នាំ 2023។
ចំនែករោងចក្រដែលនឹងប្រើសម្រាប់ចម្រាញ់ផលិតនូវសារធាតុទាំងពីរនេះ គឺបាននឹងកំពុងដំណើរការស្ថាបនាសាងសងជិតរួចរាល់ហើយ ដែលមានទីតាំងស្ថិតនៅក្នុងតំបន់នៃរដ្ឋឃ្វិនលែន ប្រទេសអូស្រ្តាលី។ LG Energy Solution បាននិយាយថា កិច្ចព្រមព្រៀងនេះនឹងអនុញ្ញាតឱ្យក្រុមហ៊ុនខ្លួនធានាបាននូវការផ្គត់ផ្គង់ដែលមានស្ថិរភាពសម្រាប់វត្ថុធាតុដើមដែលត្រូវបានប្រើនៅក្នុងអាគុយសម្រាប់ឧស្សាហកម្មរថយន្តអគ្គិសនី។ យោងតាមក្រុមហ៊ុនស្រាវជ្រាវទីផ្សារ CRU បានបង្ហាញថា តម្រូវការសារធាតុនីកែលសម្រាប់ប្រើក្នុងឧស្សាហកម្មផលិតអាគុយរថយន្តអគ្គិសនីក្នុងឆ្នាំ 2021 មានចំនួន 2,6 លានតោន ហើយទិន្នន័យនេះ ត្រូវបានគេរំពឹងថានឹងកើនឡើងដល់ 3,1 លានតោននៅឆ្នាំ 2024។ នៅក្នុងអាគុយរថយន្តអគ្គីសន្តីគេប្រើនូវសារធាតុ Cathode ប្រមាណ 40% ផ្សំជាមួយនឹងសារធាតុនីកែល និងនីកែលកូប៊ែដដើម្បីផ្ទុកចរន្តអគ្គិសនី ដើម្បីធ្វើការគណនាកំនត់រយះពេលនៃការធ្វើដំណើរ (បើកបរ) របស់រថយន្ត។
ទន្ទឹមនឹងនេះក្រុមហ៊ុន Posco ក៏បានចូលរួមក្នុងកិច្ចព្រមព្រៀងទិញភាគហ៊ុននៅក្នុងក្រុមហ៊ុន Queensland Pacific Metals ផងដែរ។ ក្រុមហ៊ុននេះនឹងទិញភាគហ៊ុន 3,2 ភាគរយ ដែលមានតម្លៃខ្ទង់ 5 ពាន់លានវ៉ុន។ ក្រុមហ៊ុន Posco នឹងទិញសារធាតុនីកែល 3,000 តោន និងនីកែលកូប៊ែដចំនួន 300 តោនក្នុងមួយឆ្នាំ សម្រាប់រយៈពេល 10 ឆ្នាំពីក្រុមហ៊ុនអូស្ត្រាលីដែលនឹងចាប់ផ្តើមពីឆ្នាំ 2023៕