no-alternative title
no-alternative title
no-alternative title
no-alternative title
no-alternative title
no-alternative title

ព័ត៌មានថ្មីនិយាយថា realme X3 SuperZoom នឹងបង្ហាញខ្លួននៅក្នុងប្រទេសថៃ នៅថ្ងៃទី 27 ខែឧសភាខាងមុខនេះហើយ

X3 SuperZoom គឺជាស្មាតហ្វូន Flagship ថ្មីរបស់ក្រុមហ៊ុន realme គ្រោងនឹងបង្ហាញខ្លួននៅសប្តាហ៍ក្រោយនេះហើយ។ ម្សិលមិញនេះ មានការបញ្ជាក់ថាស្មាតហ្វូននេះ នឹងបង្ហាញខ្លួននៅអ៊ឺរ៉ុបនៅថ្ងៃទី 26 ខែឧសភា ខណៈ ដែលមានការទម្លាយព័ត៌មានថា ស្មាតហ្វូននេះ នឹងបង្ហាញខ្លួននៅក្នុងប្រទេសថៃនៅថ្ងៃបន្ទាប់។ ក្រុមហ៊ុន realme ត្រូវបានគេដឹងថា នឹងប្រកាសបង្ហាញវត្តមានរបស់ស្មាតហ្វូន realme X3 SuperZoom នៅថ្ងៃទី 27 ខែឧសភានៅវេលាម៉ោង 15:00។ ហើយការប្រកាសបង្ហាញស្មាតហ្វូននេះ នឹងមានការផ្សាយផ្ទាល់នៅលើ Facebook និង YouTube។ 

 

no-alternative title

យោងតាមខ្លឹមសារនៅក្នុងរូបភាពផ្សព្វផ្សាយនេះ ក៏មានការទម្លាយថា ក្រុមហ៊ុន Lazada និង Shopee គឺជាដៃគូរបស់ពួកគេផងដែរ នេះមានន័យថា ស្មាតហ្វូននេះ នឹងដាក់លក់នៅលើវេបសាយទាំងពីរនេះ។ ប្រសិនបើអ្នករស់នៅក្នុងប្រទេសឥណ្ឌានោះ អ្នកត្រូវធ្វើការរង់ចាំរយៈពេលប៉ុន្មានសប្តាហ៍ទៀត ហើយតាមការបញ្ជក់នៅក្នុង 91Mobiles បាននិយាយថា ស្មាតហ្វូននេះ នឹងបង្ហាញខ្លួននៅពាក់កណ្តាលខែមិថុនានេះ។ 

មកទល់នឹងថ្ងៃនេះ នៅមិនទាន់មានការបញ្ជាក់ជាផ្លូវការនៅឡើយទេ ប៉ុន្តែយើងពិតជាមានការភ្ញាក់ផ្អើលនៅពេលដែលស្មាតហ្វូននេះមិនទាន់បង្ហាញខ្លួននោះទេ នៅថ្ងៃទី 25 ខែឧសភានេះ ព្រោះថា នៅថ្ងៃទី 25 ខែនេះ គឺជាការប្រកាសចេញនូវទូរទស្សន៍  realme TV និងនាឡិកា realme Watch នៅក្នុងប្រទេសឥណ្ឌា។ ស្មាតហ្វូន realme X3 SuperZoom ត្រូវបានគេរាយការណ៍ថា នឹងមានអេក្រង់ 120Hz ជាមួយនឹងរន្ធប្រហោង Punch-Hole នៅលើអេក្រង់។ ហើយនិងមានការបញ្ជាក់ថា ស្មាតហ្វូននេះ នឹងមានបន្ទះឈីប Snapdragon 855+ មានកាមេរ៉ា 4 គ្រាប់ជាមួយនឹងបច្ចេកវិទ្យា 60x zoom និងថាមពលថ្មទំហំ 4200mAh ជាមួយនឹងបច្ចេកវិទ្យា 30W fast charge ថែមទៀតផង៕

 

no-alternative title

no-alternative title
ព័ត៌មានពាណិជ្ជកម្ម