នៅថ្ងៃទី 25 ខែឧសភានេះ ក្រុមហ៊ុន OPPO បានបញ្ចេញនូវសេចក្តីប្រកាសមួយថា ស្មាតហ្វូន OPPO Reno4 Series នឹង បង្ហាញខ្លួននៅក្នុងពេលឆាប់ៗនេះហើយ ខណៈដែលនៅក្នុងបណ្តាញសង្គម Weibo ក្រុមហ៊ុននេះ ក៏បានបញ្ចេញនូវវីដេអូមួយជាមួយនឹងឃ្លាមួយថា ‘OPPO Video Phone Reno4’ ។ ស្មាតហ្វូននេះ នឹងផ្តោតនៅលើសមត្ថភាពនៃការថតវីដេអូរបស់វា។ វានឹងអាចក្លាយជាស្មាតហ្វូនថ្មីមួយនៅក្នុងទីផ្សារស្មាតហ្វូនជាច្រើនផងដែរ។
តាមការបញ្ជាក់នៅក្នុងព័ត៌មានដែលមានការបង្ហាញកាលពីពេលមុននេះ ស្មាតហ្វូន OPPO Reno4 series នេះ គឺមានលក្ខណៈពិសេស 3 នោះគឺ super night scene video, 65W super flash charge និង video anti-shake។ ស្មាតហ្វូន Reno2 និង Reno3 series កាលពីឆ្នាំមុននេះ ក្រុមហ៊ុន OPPO បានបន្ថែមនូវមុខងាររក្សាលំនឹងវីដេអូ video super stabilization ។ស្មាតហ្វូននេះគឺមានមុខងារ Ultra Steady video super image stabilization ហើយនោះគឺជាបច្ចេកវិទ្យា HIS (hybrid image stabilization technology) ដែលមានការទ្រទ្រង់ទៅលើបច្ចេកវិទ្យា 5-axis image stabilization។
ក្រុមហ៊ុន OPPO ក៏ប្រើប្រាស់នូវកម្រិតវីដេអូ 16: 9 video frame នៅលើអេក្រង់ពេញគែមនេះ។ កម្រិតរូបភាពនេះគឺច្បាស់នៅក្រោម stabilization algorithm ថែមទៀត។ ស្មាតហ្វូន OPPO Reno4 នេះគឺមានការទ្រទ្រង់នូវបច្ចេកវិទ្យា 65W SuperVOOC 2.0 super flash charge ផងដែរ។ នេះគឺជាបច្ចេកវិទ្យាបញ្ចូលថាមពលថ្មលឿនបំផុតនៅក្នុងស្មាតហ្វូនត្រកូល Reno នេះ។ សម្រាប់ស្មាតហ្វូនស៊េរីមុន OPPO Find X2 series, Reno Ace / Ace2 និងម៉ូឌែលជាច្រើនទៀតនឹងមានការទ្រទ្រង់នូវបច្ចេកវិទ្យា 65W super flash charge ។ ស្មាតហ្វូន Reno Ace នេះអាចបញ្ចូលថាមពលថ្មពេញ 4000mAh នៅក្នុងរយៈពេល 30 នាទីប៉ុណ្ណោះ។ ស្មាតហ្វូននេះនឹងប្រកាសបង្ហាញខ្លួននៅខែក្រោយនេះ។
នៅក្នុងការបែកធ្លាយចុងក្រោយនេះ ស្មាតហ្វូន OPPO Reno4 Series នេះ គឺមានពីរម៉ូឌែលនោះគឺ Reno4 និង Reno4 Pro ។ ស្មាតហ្វូន OPPO Reno4 Pro នេះ គឺមានកាមេរ៉ាខាងមុខទំហំ 32-megapixel selfie ហើយផ្នែកខាងក្រោយរបស់ស្មាតហ្វូននេះគឺមានកាមេរ៉ា 4 គ្រាប់ ដែលកែកទៅមួយមានទំហំ 48-megapixel main lens, 12-megapixel night scene video lens, 13-megapixel telephoto lens និង laser focusing lens។ ស្មាតហ្វូន Reno4 មានកាមេរ៉ាភ្លោះទំហំ 32MP+2MP និងមានកាមេរ៉ាក្រោយចំនួន 4 ដូចគ្នា ដែលកាមេរ៉ាគោលមានទំហំ 48MP main lens + 8MP wide-angle lens + 2MP portrait lens + laser focusing lens ផងដែរ។ ស្មាតហ្វូន OPPO Reno4 Pro នេះគឺមានអេក្រង់គែមកោង 6.55-inch 3D ។ ស្មាតហ្វូន OPPO Reno4 គឺមានអេក្រង់គែមកោង 6.43-inch 2.5D ។ស្មាតហ្វូននេះ មានទម្ងន់ 172g និងកម្រាស់ 7.6mm៕
