នាឡិកាសុខភាព Xiaomi Mi Band 5 នឹងបង្ហាញខ្លួននៅក្នុងឆ្នាំនេះ ខណៈពេលដែលក្រុមហ៊ុន Huami កំពុងតែធ្វើការអភិវឌ្ឍទៅលើឧបករណ៍ជាច្រើនសម្រាប់ក្រុមហ៊ុន Xiaomi។ នៅក្នុងពេលនេះ នៅមិនទាន់មានការបញ្ជាក់អំពីកាលបរិច្ឆេទជាក់លាក់របស់វានៅឡើយទេ។ តាមការបញ្ជាក់នៅក្នុងព័ត៌មានចុងក្រោយបំផុតនោះ នាឡិកា Mi Band 5 នេះ នឹងបង្ហាញខ្លួននៅចុងខែមិថុនា ឬនៅដើមខែកក្កដា។ ជាក់ស្តែង នាឡិកា Mi Band 5 នេះ អាចនឹងមានសមត្ថភាពកាន់តែប្រសើរជាងមុន តើមានអ្វីខ្លះនៅលើនាឡិកានេះ?
ប្រភពនេះ មានការអះអាងថា នាឡិកានេះ នឹងមានការទ្រទ្រង់នូវមុខងារក្នុងការវាស់ទៅលើកម្រិតអុកស៊ីហ្សែននៅក្នុងឈាម (SpO2)។ នាឡិកា Mi Band 5 នេះនឹងមានអេក្រង់ធំជាងមុន និងទ្រទ្រង់នូវបច្ចេកវិទ្យា NFC។ នៅក្នុងការទ្រទ្រង់ទៅលើ Amazon Alexaនេះ វាក៏មានមុខងារក្នុងការតាមដានទៅលើការធាក់កង់។ អ្វីដែលគួរអោយកត់សម្គាល់ទៀតនោះ នឡិកានេះក៏មានការទ្រទ្រង់នូវមុខងារ Personal Activity Intelligence (PAI) ផងដែរ។
នៅក្នុងវេបសាយមួយនៅក្នុង PAI Health នោះ PAI នេះ គឺជាសូចនាករមួយនៃសកម្មភាពនេះ ហើយនិងអាចធ្វើការកាត់បន្ថយទៅលើហានិភ័យនៃជំងឺសរសៃឈាមក្នុងការបេះដូងជាមធ្យម 25%។ PAI នេះ ក៏មានការបន្ថែមនៅលើនាឡិកាស៊េរីថ្មី Amazfit ផងដែរ។ នាឡិកា Xiaomi Mi Band 5 នេះ គឺជានាឡិកាដែលមនុស្សជាច្រើនទន្ទឹងរង់ចាំ ប៉ុន្តែវានៅមិនទាន់បង្ហាញខ្លួននៅឡើយទេ។ ថ្មីៗនេះ វាក៏បង្ហាញខ្លួននៅលើវេបសាយ NCC ផងដែរ។ នាឡិកា Xiaomi Mi Band 5 នេះក៏មានការបែកធ្លាយផងដែរ។ ឆាប់ៗនេះ យើងក៏ឃើញនូវវត្តមានរបស់នាឡិកា Mi Band 4C ដែលនឹងបង្ហាញនៅក្នុងពេលឆាប់ៗនេះផងដែរ៕