Sharp Aquos Zero 2 គឺជាស្មាតហ្វូនជំនាន់ថ្មីមួយ ដែលបានបង្ហាញខ្លួននៅក្នុងខែកញ្ញា ឆ្នាំ 2019 កន្លងទៅ ហើយនេះ ក៏ជាសា្មតហ្វូនដំបូងបំផុតផងដែរ ដែលត្រូវបានក្រុមហ៊ុនបំពាក់នូវកម្រិតអេក្រង់ 240Hz refresh rate ដែលជាអេក្រង់កម្រិតខ្ពស់បំផុតរបស់ពិភពលោក។ ចាប់តាំងពីការបង្ហាញវត្តមានមក ស្មាតហ្វូននេះ ត្រូវបានដាក់លក់តែនៅក្នុងប្រទេសជប៉ុនប៉ុណ្ណោះ។ នៅពេលនេះ ស្មាតហ្វូននេះ បានបន្តដំណើរទៅកាន់តៃវ៉ាន់នៅក្នុតម្លៃ TWD 21,990 ដែលស្មើរហ្នឹង ($732) បន្ទាប់ពីការបង្ហាញវត្តមានរយៈពេល 5 ខែរួចមក។
Sharp Aquos Zero 2 គឺជាស្មាតហ្វូន Flagship 2019 ដែលប្រើប្រាស់នូវបន្ទះឈីប Qualcomm Snapdragon 855 SoC ។ ស្មាតហ្វូននេះ គឺមានរ៉េមទំហំ 8GB LPDDR4X RAM និងម៉េមូរីទំហំ 256GB UFS 3.0។ ស្មាតហ្វូននេះ គឺមានអេក្រង់ទំហំ 6.4 អ៊ីង OLED panel ជាមួយនឹងកម្រិតភាពច្បាស់ FHD+ (2340×1080pixels) និង 240Hz refresh rate។ បន្ថែមពីនេះទៀត ស្មាតហ្វូននេះ គឺមានកាមេរ៉ាភ្លោះទំហំ 12MP និង 20MP Ultra-Wide។ ស្មាតហ្វូននេះ គឺមានកាមេរ៉ាមុខទំហំ 8MP និង dew-drop notch។
ស្មាតហ្វូននេះ ដំនើរការនូវប្រព័ន្ធប្រតិបត្តិការ Android 10 និងបច្ចេកវិទ្យាស្កេនក្រយ៉ៅដៃក្រោមអេក្រង់។ បន្ថែមពីលើមុខងារទាំងនេះ ស្មាតហ្វូននេះថែមទាំងមាន WiFi 5, Bluetooth 5.0, 4G, dual-band GPS និង USB Type-C តែគ្មានរន្ធដោតកាសស្តាប់ 3.5mm headphone jack នោះទេ។ ស្មាតហ្វូននេះ មានវិមាត្រ 158x74x8.8mm និងទម្ងន់ 143g។ ស្មាតហ្វូនSharp Aquos Zero 2 នេះ គឺមានថាមពលថ្មទំហំ 3130 mAh។ នៅមិនទាន់មានការបញ្ជាក់អំពីការដាក់លក់ស្មាតហ្វូន Aquos Zero 2 នេះ នៅក្នុងទីផ្សារផ្សេងទៀតនោះទេ៕
