យោងតាមព័ត៌មានថ្មី ដែលបានចេញផ្សាយកាលពីពេលថ្មីៗនេះ បានអោយដឹងថា ស្មាតហ្វូន vivo X50 series គ្រោងនឹងបង្ហាញខ្លួនជាផ្លូវការនៅថ្ងៃទី 1 ខែមិថុនា ឆ្នាំ 2020 នេះហើយដែលស្មាតហ្វូនថ្មីនេះ គឺ vivo X50 និង X50 Pro។ នៅមុនការបង្ហាញវត្តមានជាផ្លូវការនេះ ក្រុមហ៊ុននេះ ក៏មានការទម្លាយនូវការឌីស្សាញរបស់ស្មាតហ្វូនជាច្រើនតាមរយៈរូបភាពផ្សព្វផ្សាយពាណិជ្ជកម្មជាច្រើនដែលចែករំលែកនៅលើអនឡាញ។
នៅក្នុងរូបភាពផ្សព្វផ្សាយពាណិជ្ជកម្មទាំងនេះ យើងអាចមើលឃើញថា ស្មាតហ្វូន vivo X50 series នេះនឹងមានរន្ធប្រហោង punch hole selfie នៅផ្នែកខាងមុខរបស់វា។ អេក្រង់របស់ស្មាតហ្វូននេះគឺមានគែមកោងនៅគ្រប់ជ្រុងរបស់វា។ នៅផ្នែកខាងក្រោយនោះ ស្មាតហ្វូន vivo X50 និង X50 Pro គឺមានលក្ខណៈខុសគ្នាទៅលើកាមេរ៉ារបស់ស្មាតហ្វូននេះ។ ស្មាតហ្វូនទាំងពីរនេះគឺមានកាមេរ៉ា 4 គ្រាប់។
ស្មាតហ្វូន vivo X50 Pro នេះគឺមានកាមេរ៉ា periscopic telephoto lens ដែលអនុញ្ញាតអោយអ្នកប្រើប្រាស់ថត magnified shots ផងដែរ។ នៅក្នុងរូបភាពនៃផ្ទាំងផ្សព្វផ្សាយនេះ គឺមានការទម្លាយនូវពណ៌របស់ស្មាតហ្វូន X50 series ដែលស្មាតហ្វូន Pro version គឺមានពណ៌ប្រាក់ និងពណ៌ខៀវស្រាល។ ស្មាតហ្វូន vivo X50 គឺមានតែមួយពណ៌ប៉ុណ្ណោះនោះគឺពណ៌ស្វាយ។ ស្មាតហ្វូននេះមានរូបរាងស្តើង និងស្រាលក្នុងការប្រើប្រាស់៕