នៅពេលនេះ Samsung Galaxy Note 20+ បានក្លាយជាស្មាតហ្វូនមួយនៅក្នុងចំណោមស្មាតហ្វូនជាច្រើនទៀតដែលមនុស្សជាច្រើនមានការទន្ទឹងរង់ចាំខ្លាំងបំផុត ហើយវានឹងបង្ហាញខ្លួននៅក្នុងទីផ្សារនៅក្នុងរយៈពេលប៉ុន្មានខែខាងមុខនេះ។ នៅមិនទាន់ព័ត៌មានចេញពីប្រទេសកូរ៉េខាងត្បូងនៅឡើយទេ។ អ្នកលេងនៅលើប្លុកមួយចំនួននៅក្នុងប្រទេសនៅអាស៊ាន បានរកឃើញនូវទិន្នន័យ ដែលគួរអោយចាប់អារម្មណ៍ជាច្រើននៅលើវេបសាយ 3C របស់ចិន។
បើនិយាយអំពីលក្ខណៈសម្បត្តិរបស់វានោះ វិញ្ញាបនបត្រ 3C នេះ ក៏មានការបញ្ជាក់ថា ស្មាតហ្វូននេះ នឹងមានទំហំថាមពលថ្មកម្រិតមធ្យម។ យើងនិយាយអំពីថាមពលថ្មទំហំ 4500mAh។ ស្មាតហ្វូន Galaxy Note 20+ នេះនឹងមានទំហំថាមពលថ្មតូចជាងស្មាតហ្វូន Galaxy S20+ ដែលមានថាមពលថ្មទំហំ 5000mAh ។ វាដូចគ្នាទៅនឹងស្មាតហ្វូន Samsung Galaxy S20 Ultra ដែលមានទំហំ 4500mAh ។ កាលពីដើមសប្តាហ៍នេះ រូបភាពរបស់ស្មាតហ្វូន Galaxy Note 20+ ក៏មានការបែកធ្លាយនៅលើអនឡាញផងដែរ។ វាមានការបង្ហាញថា ស្មាតហ្វូននេះគឺមានការឌីស្សាញមួយដែលស្រដៀងគ្នាទៅនឹងស្មាតហ្វូន Galaxy S20 series។
ស្មាតហ្វូននេះមានរន្ធប្រហោង punch-hole នៅផ្នែកខាងលើនៅកណ្តាលនៃអេក្រង់នេះ គែមលោហធាតុ កញ្ចក់នៅផ្នែកខាងក្រោយ និងកាមេរ៉ាដែលមានរូបរាងចតុកោណកែង។ ភាពខុសគ្នានៃផ្នែកខាងក្រោយរបស់ស្មាតហ្វូននេះ គឺទៅលើរន្ធសម្រាប់ដោត S Pen របស់វា។ ស្មាតហ្វូននេះ អាចនឹងមានការឌីស្សាញជាមួយនឹងអេក្រង់រាបស្មើ ជាមួយនឹងគែមស្តើងមែនទែនក្នុងការប្រើប្រាស់។ ផ្នែកខាងក្រោយរបស់ស្មាតហ្វូននេះ គឺមានកាមេរ៉ា 4 គ្រាប់ដែលក្នុងនោះ ក៏មានកាមេរ៉ា periscope ផងដែរ។ ក្រុមហ៊ុន Samsung អាចនឹងបោះបង់ចោលនូវកាមេរ៉ា 100 megapixel sensor និង 100x digital zoom។
បើនិយាយអំពីលក្ខណៈសម្បត្តិរបស់វានោះ ស្មាតហ្វូន Samsung Galaxy Note 20+ នេះ នឹងមានភ្ជាប់ជាមួយនឹងបន្ទះឈីបចុងក្រោយបំផុត និងខ្លាំងក្លាបំផុត Qualcomm Snapdragon 865 សម្រាប់ផ្នែកមួយចំនួននៃភពផែនដីនេះ។ ស្មាតហ្វូននេះ ក៏មានបន្ទះឈីប Samsung Exynos 992 ផងដែរ។ ស្មាតហ្វូននេះគឺមានវិមាត្រ 161.8 x 75.3 x 8.5 mm ដែលក្រាស់ជាងស្មាតហ្វូន Galaxy Note 10 បន្តិច។ អេក្រង់របស់ស្មាតហ្វូននេះ គឺមានទំហំ 6.7 inch។ ការបង្ហាញវត្តមានជាផ្លូវការរបស់ស្មាតហ្វូន Samsung Galaxy Note 20+ គឺអាចធ្វើឡើងនៅក្នុងព្រឹត្តិការណ៍អនឡាញមួយនៅក្នុងខែកក្កដា ឬនៅក្នុងខែសីហាខាងមុខនេះ៕